南韓近日發生咗一單震驚社會嘅案件，一個七個月大女嬰被父母獨留喺屋企，長達6日冇人照顧同冇進食，俾人發現嘅時候已經死亡。女嬰嘅18歲媽媽被捕後仲聲稱自己直到囡囡死嘅前一日都有照顧佢，但Facebook上嘅貼文就令佢露出馬腳。其實佢連續幾晚都外出同朋友飲酒，獨留囡囡喺屋企。
{adv here}
{adv here}
仁川警察廳女性及青少年搜查機關於6月9日指出，6月2日晚上7時45分左右喺富平區一間公寓，死者嘅公公發現自己嘅孫女俾人裝咗喺一個紙箱入面，而且孫女當時已經冇咗心跳呼吸，推斷死亡日期係5月25號至31號。
調查指出，女嬰嘅媽媽喺上個月25號夜晚七點就出門，將囡囡留喺屋企，直到30號都冇返過屋企。女嬰嘅21歲爸爸就比媽媽早一日離開，但就喺一星期後， 31號下午4:15先返屋企，之後就發現囡囡死咗。媽媽就係當日10點左右返到屋企先知道囡囡已經身亡。但係佢哋冇採取任何行動。
呢對年輕夫婦見到囡囡嘅屍體後，喺6月1號再度返屋企，但只係逗留咗一個鐘就去咗汽車旅館投宿。佢哋接受警方調查時都話以為對方會照顧BB。
綜合韓國傳媒報導，女嬰由25日上午開始就完全冇進食冇飲水，同父母養嘅8個月大西伯利亞哈士奇同埋5歲摩天使一齊留喺屋企，而且不幸死亡，囡囡雙手雙腳同埋頭部都有比狗咬過嘅傷痕。第一次驗屍結果顯示，BB嘅小腸同埋大腸都冇任何食物，代表已經有一段時間冇進食，但係根據BB嘅皮下脂肪量推斷，死因並唔係餓死。
{adv here}
6月9日最新消息指出，女嬰遭獨留在家期間，佢嘅爸爸媽媽都各自出咗去同朋友飲酒。警方發現，媽媽喺上個月24號至28號期間每日都喺Facebook上傳同朋友飲酒狂歡嘅相。
警方6月7日依虐童致死嫌疑拘捕呢對夫妻並指出，「嫌犯似乎經常發生爭執。女嬰確實嘅死因要等驗屍結果先清楚，目前唔排除係被屋企嘅狗嚇死。」
資料來源：ETtoday
