只要了解曱甴嘅喜好，你都可以調配出獨門除曱甴秘方，雖然效果較慢，但係安全又環保。其實，唔同品種嘅曱甴口味都唔一樣，好似德國曱甴鍾意油脂類食品、澳洲曱甴就偏好植物性食物。
但基本上，含有豐富澱粉質或者香甜嘅發酵食物，例如麻油、紅糖、洋蔥、麵粉、忌廉等，都係曱甴嘅最愛。任揀以上1∼2種食物同硼酸混合，壓成小餅狀，就可以製成簡單毒餌。
{adv here}
要訣係製作毒餌時，材料要新鮮，最好將材料炒乾，將水份降低到5％以下。因為含水量過高嘅餌劑容易發霉，而曱甴唔鍾意發咗霉嘅食物。放置時注意要少量多處擺放，用完就再補充，保持毒餌新鮮。另外，要避免兒童及寵物誤食。
1) 人氣環保毒餌
環保毒餌配方：硼酸1盒、250克洋蔥1個（約拳頭大）切碎成丁狀，麵粉150克、砂糖1大匙、奶粉半湯匙。
洋蔥碎片稍為揸乾後，混入其他材料中攪拌均勻，水分唔可以太多。搓成小球狀再壓平，以不黏手為佳，大約可以做50個。然後放置喺紙上，陰涼處風乾一星期後即可使用。如果放喺乾燥密閉嘅空間，效果可以維持幾個月。
2) 酒樽活捉曱甴
酒樽入面留少少酒做餌，再放入砂糖，將樽口打斜靠住牆壁，曱甴就會跌入酒樽，聽講一晚可以捉到成樽曱甴。
{adv here}
3) 硼酸拖地
用熱水溶解適量硼酸，然後用嚟拖地，乾咗之後，白色硼酸結晶會滲入地板罅隙，可以防曱甴、螞蟻等。
4) 蘇打防曱甴
混合糖同蘇打粉，比例為1：1，放置喺曱甴經常出沒嘅地方，大約3∼14日後，曱甴就會全部消失。有種說法係因為曱甴胃入面屬酸性，接受唔到糖同蘇打混合體嘅鹼性，食咗就會中毒身亡。
5) 自然植物驅曱甴
用青瓜皮、菊花瓣加酒精混合，每星期喺曱甴出沒嘅地方噴一次，可以消滅剛孵化嘅小小強。
6) 菊花酒噴霧劑
用新鮮菊花最外緣嘅3片花瓣，喺太陽下曬乾，磨成粉後放入不透光嘅樽，加入120cc酒精，放置於室溫24小時，偶爾搖一搖。之後，將雜質過濾，放入噴壺中噴灑，對於曱甴、烏蠅、跳蚤、甲蟲等都有驅除效果。
7) 肥皂絲加熱水
一杯肥皂絲加入4公升熱水，溶解後直接噴喺曱甴身上，都可以有效殺滅曱甴。
8) 橙、檸檬皮防曱甴
曬乾咗嘅橙皮、檸檬皮等芸香科植物喺櫥櫃，都有防曱甴功效。
資料來源：康健雜誌
