將小朋友養到變肥仔肥妹，係「害」唔係愛！高達八成嘅肥胖小朋友長大後會持續肥胖，而且罹患糖尿病、心血管疾病嘅風險都會較高。
{adv here}
{adv here}
兒童肥胖成因多 三高飲食係幫凶
兒童肥胖嘅原因包括家庭環境、社會因素、生活習慣、心理因素、遺傳基因、以及新陳代謝異常等，但係，最根本嘅因素就係「食得多郁得少」。近年電子產品大行其道，小朋友接觸電腦、網路、手機嘅時間大增，養成坐得多運動少嘅不良習慣。電視網上媒體大量播放各種食物飲品廣告，都成為咗過度飲食嘅幫兇。家長嘅生活飲食習慣都會成為小朋友嘅「榜樣」，如果家長自己嘅飲食都係高糖、高鹽、高脂，呢種三高飲食習慣自然會「遺傳」俾小朋友，肥胖係遲早嘅事。
遠離肥胖8大守則
1. 由早餐開始：從小為小朋友準備營養均衡嘅早餐，唔好太早俾小朋友外食。如果一定要外食，都要選擇較健康嘅食物。
2. 灌輸正確飲食觀念：三低一高(低油低糖低鹽高纖)、熱量概念、用餐時間、進食速度、均衡飲食、唔揀飲擇食等。
{adv here}
3. 屋企冇零食飲品供應：降低小朋友食到垃圾食物嘅機會。
4. 限制電子產品使用時間：玩電腦、手機嘅時間越多，身體活動嘅時間就越少。
5. 走出戶外增加活動量：放假安排親子戶外活動接觸大自然。
6. 培養運動興趣：盡早俾小朋友學運動，例如游泳、球類、踩單車等，養成做運動嘅習慣。
7. 以身作則做好榜樣：父母自己做得到先可以要求小朋友做，改變飲食習慣要全家一齊改。
8. 用鼓勵支持取代責備：一句鼓勵讚美說話嘅效果，遠遠勝過一句責備說話。
資料來源：華人健康網
