英國一名男嬰未有機會睇到呢個世界，就慘遭斬首，結束短短生命。事發喺英國蘇格蘭，一名30歲婦人到醫院分娩，怎料醫生接生時竟用力拉扯胎兒雙腳，導致男嬰頭部同身體分離，胎死腹中。事件最終鬧上法庭，婦人喺庭上對醫生講，「我絕對不會原諒妳！」
{adv here}
事發喺2014年3月16日，蘇格蘭丹地一名30歲孕婦喺懷孕25週就穿羊水，佢趕到寧威爾斯醫院生產，41歲醫生拉克曼（Dr Vaishnavy Laxman）發現胎兒有臍帶脫垂（prolapsed cord）同胎位不正（breech position）嘅情況，佢話畀產婦知，如果發生任何意外，會準備進行剖腹產，估唔到拉克曼後來改變主意，結果造成悲劇。
當時產婦嘅子宮頸只係擴張咗2~3公分，但拉克曼就決定要馬上幫佢接生。婦人憶述，當時佢又痛又緊張，拉克曼開始探向佢嘅下體，並用手推佢嘅腹部，佢試圖起身，但俾人壓返落床3次，跟住拉克曼話佢知要準備生產。婦人都未嚟得切畀反應，拉克曼已經剪開咗佢個子宮頸，婦人大叫「我覺得不對勁，停下來，現在怎麼了，我不想這樣生」，不過冇任何人回應佢，跟住意外就發生。
{adv here}
因為男嬰腿部先露出，拉克曼就扯住雙腳，試圖將佢拉出子宮，結果竟然令佢頭身分離，頭部仲留喺子宮入面。意外發生後，另外2名醫生盡快為產婦進行手術，將男嬰頭部取出，然後將頭接回男嬰身上，畀婦人抱住他，同佢好好道別。控方指出，拉克曼喺未經產婦同意下，擅自以自然分娩方式接生。
婦人本來以為男嬰係因為難產去世，當佢知道真相後立即崩潰，「我不會用『胎死腹中』這個字，因為他（寶寶）不是胎死腹中，他被斬首了！」。
拉克曼否認出錯導致嬰兒死亡，當時佢只係想以最簡便快捷嘅方法去拯救孕婦嘅胎兒，並對男嬰意外死亡深感遺憾。聆訊仍然繼續。
資料來源：Line Today
