焦慮症嘅主要表現係焦慮情緒、不安行為同自主神經系統功能紊亂。唔同年齡嘅患者會有唔同嘅表現；幼兒會哭鬧、煩躁；學齡前兒童會惶恐不安、唔肯離開父母、哭泣、輾轉不寧、食慾不振、嘔吐、睡眠障礙及尿床等；學齡兒童上堂時會精神唔集中、學習成績退步、唔願意同同學及老師交往，或者因為焦慮、煩躁情緒而同同學發生衝突，之後拒絕返學、甚至離家出走。自主神經系統功能紊亂，以交感神經及副交感神經系統功能興奮症狀為主，包括胸悶、心悸、呼吸急促、出汗、頭痛、作嘔、嘔吐、腹痛、口乾、四肢發冷、尿頻、失眠、多夢等。
{adv here}
兒童焦慮症成因
先天素質同後天環境因素，都同兒童焦慮症有密切關係。呢種小朋友天生就有敏感，自信心不足，自尊心強嘅性格特質，容易緊張，多慮。好多時佢哋嘅家長同樣有敏感、多慮嘅表現，而且對小朋友嘅教育方法不當。
1) 家長對小朋友要求過高，冇考慮過呢啲要求係咪已經超過咗小朋友嘅承擔能力。小朋友終日處於緊張狀態，久而久之，就會導致過度焦慮反應。
{adv here}
2) 家長對小朋友過份溺愛，對子女千依百順，一旦小朋友離開屋企，喺社會上或者喺學校遇到唔順心嘅事，就容易出現過度焦慮。
3) 教師嘅教育方法不當，過度追求「高分數」、「高升學率」，教育內容過多，採用「填鴨式」教學方法，令小朋友負擔過重，壓力太大就會造成過度焦慮。
父母同老師必須幫助患者逐漸改變性格中嘅弱點，鼓勵小朋友計劃自己嘅學習同課外活動，當小朋友遇到挫折失敗，應該畀多啲鼓勵佢哋，培養小朋友開朗、頑強、自信、勇敢嘅性格。
資料來源：健康猴
