點解有啲孕媽媽懷孕初期嘔到雙眼反白，而有啲女性就完全冇反應呢？其實之所以出現呢個差異，主要有以下3個原因：
1) 體質不一樣
未懷孕之前，如果女性本身體內濕氣重或者有脾胃虛弱嘅現象，懷孕後，孕吐反應會比較嚴重。而體質好嘅孕婦，孕吐反應會比較輕微，甚至完全冇。
{adv here}
2) 體內激素分泌水平不一樣
懷孕之後，之所以會出現噁心、嘔吐、反胃現象，主要係因為體內分泌嘅激素會抑制胃酸分泌，降低胃腸蠕動能力。如果孕媽媽體內嘅人絨毛膜促性腺激素 (hCG)、雌激素或其他激素嘅水平越高，孕吐反應就會越嚴重。
3) 敏感度不一樣
對氣味敏感嘅孕婦，孕吐反應會比較嚴重。大部份女性懷孕後，都會對某啲氣味變得特別敏感，尤其係油膩氣味，甚至睇電視見到油膩食物嘅畫面都會作嘔。而有啲孕婦對味道嘅敏感度較低，即使聞到油煙味都唔會出現任何反應。
{adv here}
除咗以上原因，坊間有人認為如果陀嘅係孖胎或者女寶寶，孕吐反應會比較大，亦都有人將孕吐同胎兒嘅健康扯上關係，但其實呢啲說法並冇科學根據。
資料來源：每日頭條
