身高由遺傳決定一切？只要識得把握黃金成長期，改善日常生活習慣，後天補救唔係冇可能！
成長期的飲食要點為何？
想小朋友快高長大，必須確保主食（飯）、肉（肉、魚、蛋、大豆製品）、蔬菜（包含海藻和菇類）、水果、乳製品（牛奶、乳酪）等五大營養來源嘅均衡攝取。正餐食得少嘅小朋友，通常係因為餐與餐之間食太多零食，到真正食飯嘅時候已經飽到食唔落，營養攝取不足，自然長唔高。
{adv here}
小朋友討厭食蔬菜，會對身高有影響嗎？
唔食蔬菜嘅話，體內會缺乏維他命、礦物質等營養素，無法順利合成細胞同組織，對於小朋友成長有不良影響。想小朋友攝入更多蔬菜，可以將蔬菜煮成湯，對於唔鍾意食蔬菜嘅小朋友嚟講，比較容易接受。
「鋅」不足真的會長不高？
鋅係蛋白質合成以及骨骼發育必需嘅營養素，對於正在處於成長期嘅小朋友非常重要。由於食材喺加工過程中，鋅會流失，因此經常食即食食品或者加工食品，容易導致鋅攝取不足。牛肉、芝士、肝臟、豆腐、芝麻、杏仁、糙米等食材都含有大量嘅鋅。
{adv here}
小朋友成長時容易缺乏的營養素
偏食嘅小朋友容易缺乏蛋白質、鈣質、維他命同礦物質，令肌肉同骨骼無法順利生長，影響發育。
以下幾種飲食習慣容易導致營養失衡：
缺乏蛋白質：麵包當正餐、多以麵類為主食、肚餓時食用餅乾或者果汁充飢。
缺乏鈣質：經常吃水果或酸的食物、少吃乳製品、多吃肉少吃魚。
缺乏維他命：討厭蔬菜、固定只吃幾樣食物，缺乏變化。
缺乏礦物質：經常吃便利商店的食物、冷凍食品或即食食品。
資料來源：早安健康
