好多小朋友做功課都習慣拖到最後一刻先做，做事總係拖拖拉拉。今次就為大家分析一下拖延行為背後嘅原因，同埋教大家點樣改善呢種毛病。
{adv here}
生理原因
好多家長以為拖延症只係一個壞習慣，但好多研究指出，拖延行為有可能係生理原因所造成。醫生表示，大腦功能分好多區域，而同計劃、控制、注意力、執行有關嘅腦區，係大腦前額葉皮層功能區。當呢個區域嘅功能受損，就會嚴重影響注意力，辦事效率會顯著降低。如果小朋友嘅運動協調能力、注意力以及反應能力都比同齡嘅人遜色，就會做任何事都比其他人 “慢半拍”。父母應該畀小朋友參加跳繩、打波、捉圍棋或者游水等活動，可以刺激神經末梢同協調功能嘅發育。父母唔應該安排太多同學業有關嘅任務畀呢種小朋友，應該鼓勵佢哋做多啲運動，比一味催谷更加有效。
心理原因
做事拖拉嘅小朋友，通常都唔開心。分析指出，呢種小朋友嘅父母往往都係性格急躁、期望過高同控制欲強，總係不停咁 “督促”同“強制”小朋友完成指定目標，好少畀機會佢哋選擇。面對強勢嘅父母，無助嘅小朋友只可以將拖延行為當成一種隱性嘅對抗語言，不斷同自己講 “我鬥唔過你，但我可以拖”。
父母應該培養小朋友嘅自我意識同責任心。小朋友嘅自我意識，在於尊重小朋友同給予選擇權。而培養小朋友嘅責任感，並唔係不斷咁畀指令佢哋就得，而係要畀機會佢哋發言。父母嘅態度應該係 “你自己嘅事要自己完成，你有好多選擇，但每一種選擇都會有唔同嘅結果，你必須自己承擔後果”。如果父母從一年級開始，就將做功課嘅責任交畀小朋友，佢就會慢慢學識自己掌控時間。相反，如果家長一直喺旁邊喋喋不休，小朋友往往會用拖延作為武器來同父母搞對抗。
{adv here}
行為原因
有時小朋友拖拖拉拉只係單純因為缺乏時間觀念，缺少計劃性同做事冇條理。如果小朋友缺乏時間觀念，他就意識唔到用2小時做完原本1小時就可以完成嘅功課係一種不當行為。當小朋友冇計劃性或者做事冇條理，就會無法把握事情嘅重點同節奏，做事效率會大大降低。
面對小朋友嘅拖拉行為，父母一定要明確訂立規矩，令小朋友意識到，邊啲行為可以接受，邊啲唔可以接受，一旦小朋友出現越界行為，必須要採取合理懲戒，以提高佢哋嘅自律性。
以培養 “守時” 為例，可以畀小朋友一啲時間限制：“準備好書包，5分鐘後出門” 。咁做目的係要話畀小朋友知，父母希望，亦都認為佢哋會準時。相比於不斷催促小朋友，呢種方法比較正面，當小朋友覺得唔夠時間，佢哋就會自己捉緊時間。如果小朋友做功課拖拖拉拉，不斷叫小朋友“快啲做”係冇用，正確方法係自己唔急，令小朋友急。如果小朋友未做完功課，老師肯定會問佢原因。小朋友畀老師教訓完，自然會體會到拖延帶來嘅壞處，第二日就會加快速度。
資料來源：女人樂生活
