為人父母見證寶寶邁出人生嘅第一步，都會格外開心同激動，往往就會忽略咗寶寶嘅行路姿勢。如果寶寶開始學行時嘅姿勢唔正確，會嚴重影響寶寶嘅身體發育。所以，爸媽們如果發現寶寶行路時出現以下幾種情況，就一定要及時糾正。
{adv here}
1) 內外八字
兩腳呈現「內扣」或「外翻」嘅情況，俗稱「八字腳」，一般係因為寶寶嘅脛骨尚未發育完全而造成。如果2、3歲嘅寶寶習慣咁樣行路，家長可以將寶寶仰卧，然後用手將兩腿合埋，並拉直雙腿，每日幫寶寶做一次，一般隨著年齡嘅增長就會消失。
2) O型腳
寶寶行路嘅時候，兩隻腳向外叉開，中間嘅縫隙就好似一個括弧咁。一般2歲以下嘅寶寶咁樣行路屬於正常，家長們可以透過調整飲食幫寶寶補鈣改善，不過隨著年齡嘅增長都會逐漸消失。但如果較大嘅寶寶即使補鈣都仍然係咁樣行路，就要及時去搵醫生糾正同治療，因為時間長咗有可能會影響寶寶嘅骨骼發育。
3) X型腳
寶寶行路嘅時候兩個膝蓋內扣，夾著腿行路。呢種情況多數出現喺1-3歲嘅寶寶，因為呢個年齡嘅幼兒好多都會變得揀飲擇食，容易出現缺鈣同營養不良嘅情況，間接影響行路姿勢。建議家長多啲帶寶寶參加戶外運動，透過調整飲食幫寶寶補充維他命D，促進鈣質吸收。另外，家長需要幫助寶寶按摩腿部內側嘅肌肉。
{adv here}
4) 扁平足
寶寶行路似「鴨仔」，搖搖擺擺，拖著行。出現呢種情況係由於寶寶腳板底肌肉發育唔健全，冇弧度，成個腳板底都係平。但隨著年齡嘅增長，寶寶嘅腳板底會逐漸發育正常，慢慢有返弧度。如果發現寶寶到咗6歲，情況一直都冇變化，好有可能係寶寶嘅肌張力低，會影響寶寶嘅生長速度同身高，要及時就醫檢查治療。
資料來源：Q博士
