魚肝油係一種維他命類嘅藥物，主要成分係脂溶性嘅維他命Ａ同埋維他命Ｄ。維他命A 對視力同埋免疫力有幫助，維他命D 主要功能係促進鈣、磷嘅吸收，缺乏維他命D嘅時候可能會引起佝僂病 (俗稱缺鈣)，會出現易驚、多汗、煩躁同埋骨骼改變等症狀。
{adv here}
{adv here}
雖然維他命A同埋維他命D係寶寶成長入面唔可以缺少嘅營養，但一般情況下，維他命A同埋維他命D都可以透過正常飲食吸收到，只係喺寶寶唔能夠透過飲食去攝取足夠維他命A同埋維他命D嘅時候，家長先考慮用魚肝油嚟補充。其實，唔係每個寶寶都需要補充魚肝油，亦都唔可以隨便濫服。
以下4種情況，寶寶需要補充魚肝油
1. 媽媽唔夠人奶，或者係用人奶同奶粉混合餵養嘅寶寶;
2. 斷奶之後嘅輔食入面冇加蛋黃、動物肝臟等含豐富維他命A、D嘅食物，同埋冇加含豐富胡蘿蔔素嘅蔬果;
3. 因為缺少咗維他命A令到呼吸道同埋消化道感染，乾眼症，角膜軟化或者皮膚乾燥嘅寶寶;
4. 少曬太陽嘅寶寶。
{adv here}
專家建議每日攝取2500至5000微克維他命A，而維他命D就應該每日攝取400至800微克。如果喺短時間入面攝取大量，或者長時間每日攝取過量嘅維他命A、D都會令到寶寶中毒，出現食慾下降、體重冇改變、煩躁、多汗、頭疼、嘔吐等症狀。例如2歲嘅小朋友一次過食5粒魚肝油嘅話，好可能會造成維他命A同維他命D嘅急性中毒，會出現顱內高壓嘅症狀，例如噁心、嘔吐、頭痛、煩躁或者昏睡等。
出現中毒症狀時，要即刻採取急救措施：
1. 寶寶服藥後4至6個鐘內，家長可以先喺屋企用催吐方法，幫寶寶將身體入面過多嘅魚肝油吐出，咁樣可以減少藥物嘅吸收，避免出現進一步嘅藥物中毒；
2. 可以俾寶寶多啲飲凍滾水，令藥物稀釋同埋盡快透過尿液排出；
3. 停止服用維他命D同埋減少進食含豐富鈣質嘅食物，加快鈣嘅排泄。
資料來源：愛經驗
