寶寶唔肯食飯，作為家長嘅你一定好緊張。其實有厭食症狀嘅小朋友都唔少，當中大部份患者屬於由精神因素引起嘅神經性厭食症。其實厭食都係其次，最主要係厭食會造成營養不良，呢樣先係家長最擔心嘅事。以下係造成小朋友厭食嘅最常見原因：
{adv here}
{adv here}
1. 家長以為用各種承諾或者玩具去氹小朋友食嘢會有幫助，其實咁樣反而會降低小朋友進食嘅興趣。
2. 進食時注意力被分散，例如邊食嘢邊睇電視，會抑制消化液分泌，影響消化功能。
3. 小朋友進食時，父母或其他人過分緊張咁望實佢哋食嘢，會令小朋友造成精神緊張。
4. 小朋友進食時父母囉囉嗦嗦，話小朋友呢樣唔啱嗰樣唔啱，令到氣氛緊張又唔愉快，咁樣會抑制咗小朋友嘅食慾。
5. 經常安排小朋友自己一個人食先，唔同屋企人一齊食，欠缺飲食氣氛。
6. 畀小朋友亂食零食，特別係食飯前畀佢哋食雪糕、朱古力等等嘅零食，因為呢啲高蛋白、高糖嘅濃縮食物會大大降低食慾。
{adv here}
7. 父母喺餵小朋友食飯嘅時候，催促小朋友食快啲、食多啲，小朋友食得慢父母就發脾氣，或者用威脅嘅口吻強迫佢哋進食，反而會令小朋友反感。
8. 小朋友唔肯食飯嘅時候，家長強迫佢哋進食，會令小朋友失去正常嘅飢餓感，冇胃口食嘢。
9. 家長認為高營養嘅食物就大量畀小朋友食，冇注意食物嘅款式，忽視咗食物嘅多樣性，造成飲食唔均衡嘅情況。
10. 有啲父母驚小朋友食飯嘅時候整污糟件衫或者地方，就唔俾佢哋自己食，會令小朋友失去進食嘅興趣。
11. 有啲家長過於限制小朋友嘅自由，強迫小朋友溫習同上大量興趣班，小朋友表現唔好仲要俾父母責罵，咁樣會令小朋友情緒低落而食之無味。
要解決厭食問題，家長要令小朋友進食時心情愉快，提升腸胃嘅分泌能力同消化功能，增加食慾。
資料來源：iFuun
