幼兒偏食，好有可能係因為抗拒嘗試新食物。專家指出，偏食係好多幼兒都會經歷嘅正常階段，爸媽們可以適當地引導偏食寶寶嘗試新食物，但要避免因為強迫小朋友進食而同小朋友發生衝突。
小朋友拒絕嘗試新食物嘅源頭往往可以追溯至加固期。寶寶6個月大時，開始加固嘅時候，就已經開始養成飲食習慣。以下係培養不偏食寶寶嘅3大原則。
{adv here}
1) 讓寶寶口腔習慣不同口感
開始加固時，爸媽們就可以畀寶寶嘅口腔習慣唔同嘅口感。可以畀寶寶使用唔同質感嘅牙膠，或者其他可以咬嘅玩具。之後，可以拎寶寶常用嘅牙膠點少少食物泥，畀佢嘗試唔同口味嘅食物。飲食係一種多重感官嘅體驗；唔同嘅口感、溫度、口味，都要畀寶寶嘗試。
2) 寶寶很餓時別餵新食物
唔好揀寶寶最肚餓嘅時候介紹新食物。爸媽們可能誤以為寶寶好肚餓就咩都食得落，其實呢個時候佢哋反而會想食一點熟悉嘅食物，陌生嘅食物會令寶寶反感。應該先餵寶寶食佢熟悉嘅食物，然後等佢唔係太肚餓嘅時候，就畀佢探索新味道，好似玩遊戲咁，唔好有壓力。
{adv here}
3) 寶寶抗拒新食物時切勿施壓
喺6~12個月之間呢個階段，寶寶一般會比較願意嘗試新食物，到咗2~3歲，好多幼兒會經歷一段「恐新症」時期，冇見過嘅食物就唔肯食。醫生指出，呢個係正常現象，家長唔需要為咗呢個原因而同小朋友發生衝突，尤其係18個月大，開始學習自主控制嘅寶寶。如果喺呢個時候爸媽對小朋友施壓，反而會有反效果。
資料來源：漂亮主義
