小朋友喺日間嘅睡眠時間，其實反映咗佢大腦神經嘅成熟度。
隨住小朋友大腦發育開始成熟，佢哋就唔需要好似嬰兒咁樣，一定要每日瞓好多次嚟舒緩大腦疲勞、控制情緒。如果小朋友已經習慣咗唔瞓晏覺都一樣咁精神、心情愉快、食慾亦都冇受影響，咁樣好可能佢嘅大腦神經已經發育得比較成熟，可以做到同成人一樣嘅睡眠模式。不過，目前仲未有研究證實唔瞓晏覺嘅小朋友長大後會更聰明。
{adv here}
{adv here}
但係並唔代表所有唔瞓晏覺嘅小朋友大腦發育都比較成熟。亦有一啲係因為神經發育問題令到佢哋有睡眠障礙，所以唔瞓晏覺。呢啲小朋友同正常發展嘅小朋友唔同，佢哋會經常因為唔夠瞓而集中唔到注意力，或者情緒反復無常、容易發卑氣、唔容易安撫。
小朋友唔需要日日瞓晏覺
對於啱啱出世嘅嬰兒，每日無論日間定夜晚，都需要瞓好多次，而且一覺嘅時間係比較短，每日有可能需要瞓四至五覺次。
到咗1 歲至1 歲半左右，大部分寶寶都可以剩係中午同埋夜晚訓覺，呢個時期嘅寶寶都仍然需要瞓晏覺。
3歲開始，有一部分嘅小朋友開始告別有規律嘅午睡模式，慢慢發展到同成人一樣嘅睡眠模式，剩係夜晚瞓一覺就得，亦即係話，由呢個時候開始小朋友就唔再需要日日瞓晏覺。
有研究顯示， 已經足4 歲嘅小朋友，只係得33% 仍然有每日瞓晏覺嘅習慣。
{adv here}
強迫小朋友瞓晏覺冇好處
如果家長強迫小朋友訓晏覺，而佢又瞓唔著，對小朋友嚟講就等於長時間嘅限制性活動。長時間嘅靜止不單止唔可以令佢哋好好咁休息，反而有可能令佢哋覺得有壓力。
有研究發現，晏晝嘅睡眠時間同夜晚嘅睡眠時間有負向相關性，學齡前嘅小朋友瞓晏覺嘅時間越長，夜晚瞓覺嘅時間就會越短。有科學家認為，由睡眠自我調節機制嘅角度嚟睇，瞓太多晏覺會令小朋友減少對夜晚嘅睡眠需求同埋睡眠衝動，亦都會降低咗晚間嘅睡眠質素，影響到大腦認知功能嘅發揮。
資料來源：明醫網
