妊娠紋係點樣形成？
妊娠紋其實就係肚皮表面嘅彈力纖維同埋膠原纖維斷層而出現喺皮膚上面嘅一種症狀。胎兒喺肚入面一日一日咁長大，肚嘅皮膚自然都會撐得越嚟越大，當皮膚受唔住壓力就會被拉傷，好容易出現皮膚纖維斷層嘅情況。如果纖維層斷裂，皮膚就會顯現出一條條紫紅色或者粉紅色甚至係紫黑色嘅紋，呢啲就係所謂嘅妊娠紋。
{adv here}
{adv here}
妊娠紋通常會喺邊啲部位出現？
大部分懷孕媽媽嘅妊娠紋都係出現喺腹部、大脾根部同埋臀部位置，而有啲懷孕媽媽嘅妊娠紋仲會出現喺胸部、手臂、背部。出現喺胸部同埋背部嘅主要原因係女性喺懷孕期產生嘅孕期激素同埋雌性激素，呢啲激素可能會令乳房變大，亦都好容易令到胸部同埋背部嘅脂肪層斷裂。而手臂上出現妊娠紋嘅，一般都係身形比較肥胖嘅懷孕媽媽。
點解有啲準媽媽冇妊娠紋？
有啲媽媽生完寶寶，由以前嘅小蠻腰變成一個大西瓜，纖瘦身材一去不返。但係有啲懷孕媽媽冇妊娠紋，生完寶寶之後好好調養又恢復返小蠻腰。
{adv here}
以下4種孕婦唔容易出現妊娠紋。
第一種：適當控制體重嘅懷孕媽媽
一般情況下只要適當咁控制體重，即使係有妊娠紋但都唔會好嚴重。
第二種：用咗托腹帶嘅懷孕媽媽
喺懷孕期間，懷孕媽媽嘅肚特別重，如果使用托腹帶會大大減少肚皮膚被拉傷嘅情況。
第三種：有做輕量運動嘅懷孕媽媽
例如孕婦瑜伽，有助保持皮膚嘅彈性。皮膚有咗彈性自然會比一般孕婦嘅皮膚經得起拉扯。
第四種：天生皮膚好
懷孕媽媽嘅皮膚底子好天生就唔會有，係大家最羨慕嘅一種。
資料來源：壹讀
