1. 過敏性鼻炎
過敏性鼻炎造成嘅鼻塞會引起磨牙。現今空氣污染越嚟越嚴重，過敏性鼻炎嘅發病率有上升趨勢。小朋友經常打噴嚏、流鼻水、鼻塞，都係過敏性鼻炎嘅常見症狀。
{adv here}
{adv here}
2. 不良飲食習慣
有啲小朋友有不良飲食習慣，唔鍾意食早餐，而晚餐就食得太多。咁樣會好容易令到消化功能混亂，因為瞓覺時小朋友嘅胃腸道入面積存咗大量食物，腸胃唯有開「OT」。腸胃「工作」時，會令面部咀嚼肌自發性收縮，從而導致磨牙。
3. 精神過度緊張
小朋友受到大聲訓斥、打罵、驚嚇、精神刺激等，都會容易造成焦慮、壓抑、煩躁不安、過度緊張等不良情緒，或者過度疲勞等，都會令佢哋出現夜晚磨牙嘅情況。另外，夜晚睇過驚險或者打鬥嘅電視節目，臨瞓前玩得太興奮或者玩手機，都會引起磨牙。
{adv here}
4. 營養唔均衡
小朋友營養唔均衡會令佢哋出現磨牙情況。特別係習慣揀飲擇食，唔鍾意食蔬菜水果嘅小朋友，會出現營養唔均衡嘅情況，缺鈣、磷、維他命同埋微量元素，會好容易令到佢哋喺晚間面部咀嚼肌自發性收縮，出現磨牙。
改變睡姿可改善
如果想幫助小朋友改善磨牙狀況，喺小朋友冇呼吸道問題嘅前提下，可以將睡姿改成側睡或趴睡，因為有啲小朋友側睡或趴睡時會比較有安全感，睡眠質量都會有改善，磨牙嘅情況都減少。日間畀小朋友做多啲戶外活動、少食朱古力糖果等垃圾食物，臨瞓前唔好玩手機。
資料來源：每日頭條
