現今有好多父母畀零用錢小朋友時都會好闊綽，甚至小朋友想要幾多父母就俾幾多。其實呢種做法會對小朋友日後嘅成長造成不良影響。
{adv here}
{adv here}
有啲小朋友只要用晒手頭上嘅零用錢，就可以隨時直接問家長拎，家長亦都唔會過問小朋友嘅錢用咗去邊。小朋友要幾多就畀幾多嘅方式好容易令到佢哋養成「大花筒」嘅習慣，父母冇正確咁培養小朋友嘅金錢觀，小朋友長大後對錢冇概念，喺佢哋眼中只要冇錢父母就會畀佢，喺呢種環境成長嘅小朋友唔會知道錢係要好辛苦賺返嚟，仲會覺得「攤大手板」問父母拎錢洗係理所當然嘅事，小朋友好難學識自立。
家長應該定期發放零用錢畀小朋友，建議可以一星期發放一次，每次嘅金額都係固定，咁樣就可以令小朋友更加容易學識點樣理財。
其實家長要令小朋友知道，問父母拎錢係要有合適嘅理由、條件、用途同埋金額，而唔係覺得自己需要錢就可以隨時問大人拎。
適當滿足小朋友需求，叮囑佢哋要「應使則使」
家長唔應該盲目咁去滿足晒小朋友嘅所有物質需求，正確嘅做法係要睇情況而定。如果小朋友提出任何要求家長都去滿足嘅話，小朋友心入面就會覺得自己想要乜就有乜，冇嘢係自己得唔到嘅。久而久之小朋友就會變得貪得無厭，期待不勞而獲、缺乏鬥志、耐性同埋好易有挫折感。
{adv here}
相反，如果每一次父母都一口拒絕小朋友嘅物質要求，就會令小朋友覺得無論將來遇到咩困難，父母都唔會幫手，即使將來出咗事都唔會同父母講。
所以父母應該對小朋友嘅需求進行評估，如果覺得合埋就去滿足佢哋，如果要拒絕嘅話就要講清楚原因，同埋教育小朋友知慳識儉嘅道理，唔應該亂買嘢，亦都唔好浪費。
資料來源：每日頭條
