就到暑假，出外旅遊旺季又就嚟到，好多家長都會問， BB搭飛機有咩要注意？
好多父母都經歷過BB喺飛機上面扭計，好多人都以為因為BB唔適應飛機上嘅陌生環境，甚至有旅客一落機就沖去診所，媽媽抱住大概六個月大喊唔停嘅BB，BB一邊耳仔流緊血。
{adv here}
{adv here}
媽媽話BB出國之前有少少感冒鼻塞流鼻水，飛機起飛冇耐， BB就喊咗一陣，屋企人都唔為意，出國期間BB一直感冒。
直至回程嗰日，係降落過程BB就喊得越嚟越犀利，之後仲發現佢一邊耳仔流血。耳仔發炎導致流血嘅情況雖然並唔常見，但係耳仔唔舒服而導致BB扭計嘅案例就非常多，可以稱為「飛機耳」。
飛機起飛降落時引起嘅飛機耳，主要係因為耳膜內外壓力不平衡造成，所以要減輕症狀，只要令耳咽管打開，內外壓力就容易達到平衡，自然就唔會唔舒服。咁有咩方法可以幫助壓力平衡呢？
1. 大人或小朋友只要打喊露，有吞嚥動作，或者捏鼻合埋口扮擤鼻涕動作就可以。
{adv here}
2. 小朋友如果已經識食香口膠，或者用吸管飲嘢就可以喺起飛降落時做呢個動作。
3. 係BB嘅話可以埋身或者用奶樽餵奶，亦可以畀奶嘴BB食。起飛降落時要保持清醒。
4. 如果BB瞓著咗唔可以有效吸吮，耳壓自然容易唔平衡，反而會造成飛機耳，所以要叫醒BB。
5. 如果本身感冒或者鼻敏感，鼻塞或者鼻水太多，自然會令耳咽管唔通暢，搭飛機前服用醫生處方藥物，有助鼻咽管平衡。
資料來源：ETtoday
