好多家長見到小朋友行路姿勢古怪、腳板平平就會開始擔心佢係咪有「扁平足」嘅問題，但到底幾歲先可以判斷小朋友係咪有扁平足呢？其實小朋友喺2~8歲，正值足弓發育時期，隨著幼兒學習行路，逐漸運用腳趾、腳踭同埋腳底嘅力量，足部肌肉開始發育，足弓先會慢慢形成。
{adv here}
幼兒喺2歲前，腳板多數係軟骨，由於內側嘅脂肪比較厚再加上韌帶鬆弛，所以足弓並唔明顯，睇起來似扁平足，2歲前只要持續觀察就可以，大部分生理性扁平足會自然恢復。
{adv here}
扁平足治療黃金期
有扁平足嘅小朋友要把握2-8歲嘅治療黃金期，可以做運動配合穿著矯正鞋嘅方式來矯正。如果年齡超過10歲，一般會以症狀治療為主，多數會用鞋墊來控制足部，從而改善症狀，避免足部進一步惡化變形。另外，運動都可以幫助足弓發展同埋加強腿部肌肉力量，建議小朋友可以做多啲鍛鍊腳部肌肉、筋腱同埋韌帶嘅運動，包括單腳腳尖企、腳尖走路、腳趾抓毛巾同埋單腳跳等。
{adv here}
其實扁平足只係一種「症狀」而唔係「疾病」，如果懷疑小朋友有扁平足嘅情況，可以先諮詢骨科醫生、物理治療師等專業人士。另外，家長可以畀小朋友多啲接受唔同嘅足底刺激，例如赤腳行沙灘、泥土、草地等，對足弓發展都有一定嘅幫助。
資料來源：大紀元
