一般人見到外貌符合社會審美觀嘅女孩，都會讚佢「靚女」，而好多家長都經常稱讚自己女兒漂亮，但原來呢啲「外表」稱讚都有可能造成傷害。根據英國《衛報》報導指出，經常稱讚女孩嘅外貌，有可能混淆佢哋嘅價值觀。
{adv here}
報導指出，父母如果經常稱讚女兒外表，容易令女孩認為，人哋望到佢嘅第一眼只會注意到外表。大部分家長好少會主動稱讚兒子「靚仔」，呢種無意識嘅偏見反而會令女孩喺兩性價值上產生偏差。英國一項針對400名女孩嘅調查發現，接近7成嘅女孩擔心體重過高，甚至為咗減肥唔食早餐，有啲女孩甚至長大後想整形，顯示大部分女孩過度注重外表。父母無心嘅「外表」稱讚，有可能令佢哋覺得自身價值只有「外表」特質，長大後會認為外表就係一切，比起性格、能力或者品德，擁有美好嘅外表更為重要。
{adv here}
咁父母應該點樣鼓勵女兒呢？試吓去了解佢嘅興趣，評論佢嘅能力或者品德，稱讚佢個性善良、有禮貌、樂於助人等。父母言語上嘅改變，就可以幫助女兒對未來做好準備。
{adv here}
資料來源：ETtoday
