孕婦搭飛機旅行，只要遵守以下幾點，旅程就可以安全舒適：
1. 盡量預訂靠走廊的座位，方便搭長途機時，途中可以起身走動一下、伸展雙腿。
2. 飛行前避免食用會產氣嘅食物同埋碳酸飲品，因為機艙中嘅低氣壓會令胃入面嘅氣體擴張，造成不適。
{adv here}
3. 飛行中隨時會遇到無預警嘅氣流，所以一定要喺任何時候都扣好安全帶，而且要扣喺骨盆位置，大肚下面。
4. 定時慢慢進食、補充熱量。機艙入面非常乾燥，要多攝取水分同埋纖維，以免造成便秘。
{adv here}
深部靜脈栓塞
深部靜脈栓塞（DVT, Deep Vein Thrombosis）係指離心臟最遠嘅下肢靜脈管內，因為血液凝結成份，形成血栓塊，阻止靜脈血迴流，就好似喺高速公路塞車咁。靜脈血栓通常出現喺下肢靜脈管，尤其係長時間坐下無法活動時，而靜脈血栓有可能會形成栓塞子，可怕之處在於再度走動時，部分血塊會隨住血流繼續向上流到肺部，造成肺血管阻塞（肺栓塞 Pulmonary emboli），呢個時候病人會感到呼吸困難、胸痛或咳出血等，嚴重者甚至會休克死亡。
{adv here}
孕婦係下肢深部靜脈栓塞嘅較高危一族，再加上長時間坐低沒有活動，無論係乘搭邊種交通功具去旅行，只要超過4小時以上，發生機率就會加倍。建議孕婦多飲水分或果汁、著寬鬆衣服、定時走動一下或者伸展雙腿，著小腿彈性襪（有糖尿病者不適合）都可以降低發生率。
資料來源：良醫健康網
