懷孕媽媽真係唔可以飲咖啡？
增加流產風險
喺1993年美國醫學會期刊（JAMA）嘅研究提出咖啡因攝取同流產有關，喺呢項研究入面，最高攝取量組（每日攝取超過321毫克嘅咖啡因）比起最低（每日攝取少過48毫克嘅咖啡因）攝取量組，勝算比（odd ratio）係2.62倍。
{adv here}
{adv here}
2015年嘅統合分析研究（meta-analysis），綜合咗26篇研究嘅結果之後發現，每日攝取150毫克嘅咖啡因，流產風險會增加19%，而每日飲超過2杯咖啡就增加8%。呢啲數據都顯示，準媽媽攝取含有咖啡因食物時要好小心，避免出現流產風險。
影響胎兒腦部
咖啡因可以透過胎盤由母體傳畀胎兒，所以，腦部發育緊嘅胎兒一定會受到影響。
過去確實有研究發現，懷孕緊嘅老鼠媽媽進食含咖啡因嘅食物後，佢嘅下一代會出現類焦躁行為（anxiety-like）。另外，有學者認為媽媽喺懷孕第三期接觸大量咖啡因，同小朋友喺童年發展時IQ偏低有關。
飲咖啡未至於會導致胎兒畸形
飲咖啡會造成胎兒畸形，暫時仲未有確實證據顯示兩者嘅關聯性。有研究指出懷孕時攝取過多嘅咖啡因會導致神經管畸形，甚至會導致脊柱裂，但係亦都有研究認為兩者之間冇明顯嘅關聯性。事實上，咖啡因雖然會導致胎兒健康上出現問題，但似乎同胎兒畸形扯唔上關係。
{adv here}
雖然咖啡因或者咖啡未至於造成胎兒畸形，但係咖啡因確實會造成生長遲緩，代謝異常等等嘅問題，有啲文獻或者專家建議懷孕媽媽每日唔好攝取超過200毫克嘅咖啡因，等於兩杯美式咖啡嘅份量。
另一方面，亦都有學者建議盡量唔好接觸咖啡因，避免對胎兒造成任何不良影響。為咗寶寶嘅健康著想，都係少飲為妙。
資料來源：ETtoday
