喺懷孕期間，準媽媽嘅身體都會出現各種情況，包括令好多準媽媽都覺得煩惱嘅孕吐。孕吐係早孕反應嘅一種，係指孕婦喺懷孕早期會成日覺得嘔心反胃，尤其係早晚，無原無故就會嘔，跟住就係食慾消失，體重下降，仲會出現各種頭痛。
{adv here}
{adv here}
大概有90%嘅準媽媽會出現嘔心反胃嘅現象，其中超過一半嘅媽媽會出現嘔吐，亦即係有一部份媽媽唔會出現孕吐嘅現象。呢個時候準媽媽就會覺得奇怪：到底有孕吐定冇孕吐好啲？我冇孕吐係咪即係代表肚入面嘅BB唔健康？
因為每個準媽媽嘅體質都唔同，孕吐反應都會唔一樣，如果準媽媽本身係敏感體質，例如成日暈車浪、暈船浪、偏頭痛嘅話，或者係陀緊雙胞胎或多胞胎，就好容易出現懷孕早期孕吐。
{adv here}
對於一啲準媽媽來講，佢嘅孕吐反應幾乎係冇或者好輕微，咁就有可能因為準媽媽體內嘅孕激素水平偏低造成，只要BB正常發育，排除胎停導致嘅反應消失，冇孕吐反應嘅孕婦都唔使擔心，只要準媽媽冇喺孕期見紅或者有痛楚， BB基本上都冇問題。
資料來源：每日頭條
