剃咗胎毛，頭髮係咪就會越生越濃密？
以科學角度分析，呢個觀念係錯嘅，係冇科學根據。
因爲頭髮稀疏定係濃密同頭皮上嘅毛囊同埋毛孔有關，寶寶嘅頭髮生長速度、頭髮嘅粗幼、稀疏定濃密等等都係會受到多種因素影響，例如父母嘅遺傳因素、寶寶嘅營養狀況、生長發育水平等等。大多數情況下，父母頭髮濃密，寶寶出生後頭髮都會濃密啲。
{adv here}
{adv here}
喺正常情況下，足月寶寶出生時，頭皮毛孔同埋毛囊已經發育成熟，數目相對穏定。頭髮每日大約會長0.3毫米，3日長1毫米左右。寶寶吸收幾多維他命、陽光照射時間嘅長短等等對佢哋嘅毛髮生長速度有一定嘅影響。剃胎毛只係會令到原本嘅頭髮變短，係唔會令毛囊及毛孔增多，亦都唔會令頭髮越嚟越密。
太早剃胎毛風險高
1. 損傷頭皮
寶寶皮膚幼嫩，如果佢唔配合，喺剃胎毛嘅過程入面，好有可能會坐唔定，頭仔左轉右轉，又或者髮型師技術唔夠純熟分分鐘會整損寶寶嘅頭皮，更嚴重嘅可能造成出血。
{adv here}
2. 感染
頭皮嘅血液供應非常充足，如果唔小心整損咗寶寶嘅頭皮，細菌就容易會透過傷口入侵寶寶體內，造成局部甚至全身感染；如果用咗一啲冇徹底消毒嘅剃頭工具，就算頭皮冇明顯嘅損傷，都有可能會造成一啲小傷口，導致感染傳染病，例如乙型肝炎、梅毒等。
3. 損傷毛囊
有好多家長幫寶寶剃胎毛係爲咗幫助頭髮生長得快啲，但係有啲家長發現，寶寶剃完胎毛之後，生出嚟嘅頭髮反而冇之前咁多，究竟係乜嘢原因呢？呢種情況，有可能係喺剃胎毛嘅時候唔小心整損咗毛囊。寶寶頭皮嘅皮膚比較幼嫩，如果剃胎毛嘅時候唔夠仔細或者頭髮剃得太短，可能會整傷頭皮下面嘅毛囊，而令到寶寶嘅頭髮比之前稀疏。
資料來源：健康日報
