有網民質疑，林鳳嬌同成龍都係雙眼皮，但房祖名竟然係單眼皮，所以大家認為成龍割咗雙眼皮。
我哋先唔討論成龍嘅雙眼皮係咪割出嚟，雙眼皮嘅父母就唔會生到單眼皮嘅寶寶？答案係：會！
{adv here}
{adv here}
無錯，雙眼皮嘅父母都有可能會生到單眼皮嘅寶寶！
其實，眼皮嘅性狀係由單基因決定，而且係成對出現，分顯性同埋隱性兩種，雙眼皮係由顯性基因（A）決定，單眼皮係由隱性基因（a）決定。
理論上，只要有A存在都會係雙眼皮，而兩個a嘅情況下先會出現單眼皮。基本上，當一個人係雙眼皮嘅時候，佢嘅基因係AA或者Aa，而當一個人係單眼皮嘅時候，佢嘅基因一定係aa。
所以，一對雙眼皮嘅父母，爸爸嘅基因可能係AA或者Aa，媽媽嘅基因都可能係AA或Aa，遺傳俾小朋友嘅時候，父母雙方嘅兩對基因會隨機組合。
單眼皮嘅父母，會唔會有可能「負負得正」呢？
有網民喺評論入面提出疑問，自己同男朋友都係單眼皮，生出嚟嘅小朋友會唔會有可能「負負得正」，變成雙眼皮呢？
答案係：唔會！
如果父母都係單眼皮意味住佢哋體內決定雙眼皮嘅基因都係aa，兩個aa無論點樣組合都依然係aa，所以佢哋嘅小朋友一定係單眼皮。
{adv here}
父母一個係單眼皮，一個係雙眼皮，咁生出嚟嘅小朋友會係單眼皮定雙眼皮呢？
父母係一單一雙，咁佢哋嘅小朋友可能係雙眼皮都有可能係單眼皮。
當媽媽基因係AA嘅時候，小朋友一定係雙眼皮基因（A*）。當媽媽係單眼皮，爸爸係雙眼皮，規律同上面所講一樣，有可能生雙眼皮寶寶，都有可能生單眼皮寶寶。
不過，仲有一點需要注意，生物嘅任何性狀都係由基因型同埋內外環境相互作用嘅結果，即使遺傳咗父母雙眼皮嘅基因，都可能因為環境嘅影響而出現單眼皮或者一單一雙嘅情況。
資料來源：雪花新聞
