好多新手媽媽都會問：自己啱啱生完BB甩頭髮甩得好勁，房、客廳嘅地板，尤其係浴室成地都係我嘅頭髮，點算好呀？
{adv here}
{adv here}
產後脫髮3大原因
產後荷爾蒙突變
頭髮從生長到脫落，本身就有一定嘅代謝周期。但喺懷孕期嘅9個幾月，由於體內嘅荷爾蒙水平升高，本應脫落嘅頭髮，好多都冇按時脫落。
BB出世後因為體內荷爾蒙水平會急劇下降到懷孕前嘅水平。所以懷孕期嘅「過期」頭髮，就會喺短時間內一次過大量脫落，造成嚇人嘅場面。
情緒焦慮壓力太大
情緒同頭髮有非常密切嘅關係。喺精神因素影響下頭髮不停脫落，見到頭髮係咁甩，精神壓力就更加大，久而久之就形成惡性循環。
清潔護理方式不當
頭髮健康生長嘅首要條件係清潔，如果冇保持清潔，空氣入面嘅灰塵就會混合皮脂積聚喺髮根，令頭髮出現分叉斷裂同埋脫落。
{adv here}
4招預防產後脫髮
1. 注意飲食：新手媽媽可以多食新鮮蔬菜、水果、動物性蛋白質、海產、豆類、蛋類等。
2. 充足休息：捱夜會導致精神緊張，令脫髮更嚴重。最好晚上22:00到凌晨2:00可以進入深層睡眠，唔得嘅話就唯有日頭補覺。
3. 注意產後頭髮清潔：用中性洗頭水洗頭，頭髮要自然乾，半年內唔好電髮。如果產後脫髮嚴重或者6個月後脫髮情況持續，就需要搵醫生檢查。
4. 用木梳梳頭：用木梳或者用手指有節奏咁按摩、刺激頭皮，促進頭皮嘅血液循環，有利於頭髮嘅新陳代謝。
資料來源：每日頭條
