嬰幼兒天生就有語言嘅潛在能力，但需要父母幫佢哋激發出嚟。而影響BB語言發展嘅後天因素有好多，除咗語言器官同埋大腦皮層語言中樞嘅發育之外，仲有語言環境等等。真正對BB嘅語言發展起到關鍵作用嘅係語言環境，而最初嘅語言環境都係由父母營造。
{adv here}
{adv here}
BB嘅語言發展可以分為三個過程：發音、理解、表達。所以喺BB出世之後，父母可以針對性咁訓練引導BB發音，要不斷同BB進行交流，盡量將多啲語言訊息灌輸到BB嘅腦海入邊，對BB往後嘅語言發展有好處。
如何針對性訓練BB的語言能力？
1. 培養BB對語言嘅好奇心
當一個人開始學習一樣知識或者事情嘅時候，令佢堅持落去嘅一定係佢嘅興趣。興趣係我哋堅持學習嘅原動力，只要BB對語言產生興趣，佢就會堅持落去。
所以父母喺照顧BB嘅時候，可以經常同BB講嘢，亦都可以唱下兒歌、講故事，引起佢哋對說話產生興趣，令佢想同父母交流。
但係父母都要注意BB嘅情緒，避免長時間對BB進行語言同聲音嘅刺激，否則有可能令BB感到煩厭。父母對BB進行語言訓練嘅時候，切忌急著要BB開口講嘢，咁就會違背咗BB語言發展嘅規律。
{adv here}
2. 語言能力越早開發越好
語言係人類溝通嘅基礎，係最快捷嘅訊息交換方法，亦都係一個促進BB智力發展嘅好方法。所以語言能力越早開發就對BB嘅成長越有利。
其實當媽媽壞孕五個月之後，就可以對胎兒進行語言訓練，所以而家有好多胎教方法都深受媽媽們歡迎。
資料來源：壹讀
