好多父母都會發現，分離焦慮症唔係剩係嬰兒時期先會有，到咗BB開始返幼稚園又係另一個高峰，令好多家長非常頭痛。
幼兒分離焦慮行為：
1. 拒絕返學：怕返學，但沒有原因，會諗盡辦法留喺屋企。
{adv here}
{adv here}
2. 經常話自己唔舒服，例如頭痛肚痛：分離前夕，小朋友都會話自己病咗。
3. 黐實照顧者：小朋友會隨時隨地都跟著你，特別係你想離開嘅時候就更加黐到實。
如何舒緩分離焦慮症？
提供穩定同埋充份支持嘅環境
1. 傾聽同埋尊重小朋友嘅感受：當子女已經表示獨處好驚嘅時候，傾聽絕對係可以畀到小朋友勇氣嘅方法。責罵、恥笑、嫌棄、憤怒都只會令小朋友更加冇安全感，例如：「咁大個都仲係咁，你知唔知醜」、「我唔理你啦，你同老師入去，我周身唔得閒。」咁樣只會令小朋友感受唔到你嘅愛，更害怕冇咗你。
2. 調整分離情境：例如對於即將分離嘅時候，如果小朋友同爸爸比較容易分離講拜拜，咁就由爸爸去處理分離呢件事。
協助小朋友感受到安全感
1. 設定好底線：畀小朋友知道，即使父母理解佢嘅感受，規矩都一樣要遵守，例如夠鐘就要去返學，唔可以拖。
2. 提供適當嘅選擇權：畀一啲控制權小朋友，例如子女可以決定帶咩玩具返學，咁樣佢哋會比較容易覺得舒服安心。
{adv here}
鼓勵同埋讚美小朋友嘅獨立
1. 分離時家長要保持淡定：小朋友如果見到父母表現得好淡定，佢嘅情緒都會比較平靜。
2. 慢慢拉長分離嘅時間：對於即將要返學嘅小朋友，可以首先選擇一啲時間短嘅Playgroup課程，畀小朋友適應分離。
3. 稱讚小朋友嘅努力：即使係好少嘅事，例如自己上床準備瞓覺、學校老師讚小朋友食晒茶點，都應該好好咁讚美佢哋。
資料來源：華人健康網
