好多媽媽懷孕之後，因為怕影響BB健康或者冇時間照顧寵物而送畀人養甚至遺棄，其實只要保持衛生，做好準備，寵物都可以陪伴BB健康快樂咁成長。
{adv here}
{adv here}
BB同寵物和平共處4大原則
原則1：注意寵物清潔與健康
動物嘅皮毛好容易有寄生蟲，所以要經常梳理。天氣熱嘅時候建議家長可以將寵物嘅毛剃光，咁樣就唔會產生皮屑、寄生蟲，維持寵物清潔衛生。原則上，狗狗應該每星期沖一次涼，貓就每個月沖一次。另外，為咗避免BB被寵物抓傷，建議家長將寵物嘅指甲剪短、磨平就會比較安全。如果真係受傷，一定要即刻清洗傷口或者就醫。基本上受過訓練嘅寵物都唔會攻擊小朋友，父母唔使太過擔心。
家長亦要記得最好每個月定期帶寵物去做一次健康檢查同埋清潔，睇吓會唔會有寄生蟲或者其他疾病，可以盡早醫治，避免傳染畀屋企人。
原則2：保持家居環境衛生
屋企可以使用有殺菌功能嘅空氣清新機同埋吸塵機、抽濕機等等，過濾空氣入面嘅過敏源、細菌、喺空氣入面同埋地板嘅毛髮，咁就可以改善寵物毛髮問題。要記得時常更換或者清洗過濾網，尿墊同廁所最好每日更換清潔，毛氈同埋玩具都要定期清潔。
另外， BB六個月大之前同寵物嘅生活空間最好分隔一下，避免BB唔小心當咗寵物用品係玩具！
{adv here}
原則3：保持個人衛生
接觸寵物之後一定要洗手，無論係大人小朋友，屋企都一定要遵守呢個規則先可以確保屋企人嘅健康。尤其小朋友同寵物玩完之後好有可能唔記得洗手，家長就要多加留心。
原則4：教導BB相處之道
提醒父母，就算屋企嘅寵物平時有幾聽話，都唔可以畀寵物同BB單獨相處，一定要有大人喺旁邊。由於BB仲未識得控制自己嘅力度，有可能會無意間攻擊寵物而令到寵物還擊。到BB大個啲就要開始教導佢要溫柔對待寵物，將寵物當成自己屋企人一樣愛錫！
資料來源：華人健康網
