從小寶寶開始出第一隻牙，家長們就要多加注意寶寶嘅口腔問題，因為寶寶出牙時或多或少會感到不適，佢哋嘅表現同平時都會有所不同。

{adv here}

寶寶出牙其實係有跡可尋，出牙期佢哋會特別鍾意咬物件，而且口水流個不停。喺出牙嘅過程中，牙齒會穿過牙齦冒出來而引起不適感，有啲寶寶會出現睡眠不穩、情緒暴躁嘅情況。另外，寶寶萌牙時亦有可能出現發燒反應，如果體溫唔超過38度，食慾、精神都正常嘅話，家長們唔需要太過擔心，亦都冇必要馬上幫寶寶退燒。

家長們可以參考以下幾個方法，減輕寶寶萌牙時嘅不適感。

如何舒緩寶寶出牙的不適？

1) 按摩寶寶牙齦
使用一條乾凈毛巾或手巾包住手指，輕輕按壓寶寶嘅牙齦。嬰兒出牙時，牙齦會腫脹、疼痛，按壓可以幫佢哋舒緩痛楚。

{adv here}

2) 使用牙膠
買1~2個牙膠畀寶寶咬，有助舒緩牙齦腫痛嘅不適感。父母要注意選擇合乎安全規格嘅牙膠，仲要經常清洗消毒。

3) 使用冰毛巾
將毛巾放置冰格冷凍至結冰再畀寶寶咬，冰涼嘅效果可以舒緩疼痛感。切勿畀太硬嘅物品寶寶咬，否則會影響牙齒生長。

4) 冰涼水果
事先將水果雪凍，等水果變涼後再畀寶寶食用。對於寶寶嚟講，水果係一種美味零食，冰涼效果仲可以舒緩疼痛。

資料來源：壹讀