大部分容易引起過敏嘅食物，都屬於蛋白質類，例如：牛奶、蛋類、豆類、花生、堅果、海鮮等。此外，麵粉製品以及蔬果中嘅荔枝、芒果、茄子等，都係容易引起過敏嘅食物。
{adv here}
一般而言，嬰兒喺4~6個月大時會開始加固，過敏兒童就最好喺餵食母乳或低敏奶粉滿6個月之後先開始。
加固方式應該先以「低致敏食物」例如米糊、果蓉、蔬菜蓉開始。每次只餵食1種食物，每種食物要有3~4日嘅觀察期，如果bb嘅皮膚冇出疹，冇腹瀉，咁就代表食物冇問題。至於蛋白、有殼海鮮同埋堅果類等「高致敏食物」，就建議1歲後先試食。無論係「低致敏食物」定係「高致敏食物」，啱啱開始試食時，盡量唔好將多過一種食物混合一齊食，以免發生過敏反應時搵唔出致敏源。
{adv here}
對於懷疑過敏嘅食物，可以再試多一次，避免搞錯。先禁食懷疑過敏食物3星期，然後試食該過敏食物並觀察1星期，如果出現皮膚、鼻、眼睛痕癢嘅情況，或者出疹、咳嗽、流鼻水、腹痛、噁心、嘔吐、腹絞痛等症狀，應該停食呢種過敏食物半年，半年後再按照上述方法試食食物。
{adv here}
家長觀察嘅重點包括皮膚有冇出疹、排便正唔正常（有冇腹瀉或便秘）、呼吸道有無症狀等，仲有一啲行為上嘅變化，例如容易發脾氣、夜晚經常會醒，呢啲異常情況都有可能係bb過敏嘅警號。
資料來源：大紀元
