幾時生第二胎，係好多年輕爸媽們好糾結嘅問題，要考慮媽媽嘅身體狀況、大寶寶對弟妹嘅接受程度及經濟壓力等多方面嘅因素。究竟係三年抱倆好，定係應該等寶寶再大少少先呢？
隔多久生二胎最好？
凡事都有兩面，幾時生第二胎都一定會有利弊。所以，並冇所謂完美嘅「年齡差距」，適合與否要視乎自己家庭情況。以下係一啲不同年齡差距有可能出現嘅利與弊。
{adv here}
兩個孩子相差1歲
好處：
1) 同時照顧兩個年幼小朋友係一個好大嘅挑戰，所以更需要爸爸嘅參與，有利於夫妻關係。
2) 兩個小朋友可以一齊玩，一齊睇電視、玩一樣嘅玩具。發生分歧時，小朋友會更願意去尋找解決問題嘅方法，因為佢哋好需要對方嘅陪伴。
3) 兒童心理學家認為，小朋友年齡相近時，佢哋會更想令自己顯得突出啲，呢個過程可以幫助佢哋建立對自己嘅認同。
壞處：
1) 增加患產後抑鬱嘅機會。
2) 媽媽更難抽時間修身，會更難恢復產前身材。
3) 媽媽可能要同時餵哺兩個寶寶，有可能導致母乳過量，母乳嘅味道喺懷孕期間亦可能會有變化。
3) 當兩個寶寶都要返學、參加興趣班及補習班，家庭需要喺短時間內花費大量金錢。
4) 最近有研究發現，相隔一年出世嘅小寶寶患自閉症嘅機會係大寶寶嘅三倍，因為媽媽喺短時間內再度懷孕，更大機會缺乏葉酸及鐵質等營養素，亦更有可能壓力過大。
5) 年齡差距小會令彼此間嘅競爭更激烈，如果小寶寶覺得自己冇哥哥/姐姐做得咁好，會變得冇安全感，甚至覺得一直活喺哥哥/姐姐嘅影子。
6) 大寶寶會因為弟弟/妹妹嚟得太早，心理上容易有高度自我批評嘅傾向，甚至長大後，當有事情出錯時會感到過度內疚同自責。
兩個孩子相差2歲
好處：
1) 如果媽媽年齡超過35歲，隔2年生第二胎有助減少嬰兒早產或者出生時體重過輕嘅風險。
2) 爸爸媽媽仲未忘記點樣照顧初生寶寶。
3) 大寶寶會更加成熟，比較有耐性，有時甚至會主動放棄「小孩子」嘅身份，認為自己已經長大。
壞處：
1) 大寶寶可能剛好處於分離焦慮嘅高峰期，呢個時期新加入嘅小寶寶會令大寶寶更缺乏安全感，令整個家庭氣氛變得唔和諧。
2) 大寶寶可能未準備好分享自己嘅爸爸媽媽，會對弟弟/妹妹心懷怨恨，或者自尊心降低。
{adv here}
兩個孩子相差3歲
好處：
1) 媽媽分娩時發生併發症嘅風險最低。
2) 大寶寶已經相當成熟，有較好嘅表達能力，亦都可以理解媽媽喺懷孕時嘅變化，甚至願意幫助照顧媽媽同弟弟/妹妹。大寶寶會有自己嘅生活同朋友，弟弟/妹妹出世後，雖然屋企發生變化，但自己仍然有一部分生活維持不變。
壞處：
1) 兩個寶寶嘅差異變大，父母不能夠用相同嘅方法去應對，需要同時處理唔同嘅問題。
2) 有啲大寶寶會出現行為上嘅退化，例如如廁、睡眠、語言等等。
3) 兩個小朋友玩嘅遊戲差異太大，相處嘅時間會比較少。
兩個孩子相差4歲或以上
好處：
1) 媽媽嘅身體已經完全恢復，如果第一次係剖腹產，第二次順產嘅機會更大。
2) 已經做咗好幾年父母，自信心同經驗都大大增加，對於照顧同教育小寶寶更加得心應手。
3) 有研究發現，呢個年齡差距對於小朋友嘅情感同社會發展最有利。父母同小朋友有充分嘅一對一互動，彼此之間嘅信任同聯結更強，對大寶寶嘅自尊心特別有好處，當弟弟/妹妹加入，大寶寶唔會因為覺得自己做得唔夠好而產生內疚同自責嘅心理。
4) 哥哥/姐姐會對小寶寶較溫柔，發生肢體衝突嘅可能性會大大減低。
壞處：
1) 媽媽體力下降，照顧小寶寶會覺得特別疲累。
2) 大寶寶開始懂事，媽媽為小寶寶餵哺母乳時可能會覺得尷尬。
3) 大寶寶處於青春期時，小寶寶仲係小朋友，彼此之間嘅聯結可能比較弱，唔會視對方為自己嘅同盟。
其他考慮因素：
1) 如果媽媽身體條件許可，例如第一胎係順產，產後情緒穩定，可以選擇短時間內生第二胎。
2) 如果媽媽經歷過剖腹產，或者年紀較大，建議等待時間長少少，等身體完全恢復，照顧大寶寶亦都駕輕就熟，再考慮生第二胎。
3) 如果經濟條件許可，又有家人支持，可以選擇短時間內生第二胎，速戰速決湊大兩個小朋友。
資料來源：雪花新聞
