有服用避孕藥嘅美女們，最擔心嘅問題莫過於「長期食避孕丸，會唔會搞到冇得生？」。究竟避孕藥同不孕有冇關係？
口服避孕藥嘅主要成分為雌激素同黃體素，作用係抑制排卵，以達到避孕嘅效果。一般而言，長期服用避孕藥後一旦停藥，由於抑制排卵嘅雌激素同黃體素減少，卵巢大約會喺3個月內恢復正常排卵功能。所以口服避孕藥係一種「可逆性」嘅避孕方式，只會喺服用藥物期間有效，並唔會導致永久不孕。
{adv here}
不過醫生都會建議長期服用避孕藥嘅婦女，喺計畫懷孕之前半年就要開始停藥，因為卵巢都需要一段時間由被抑制嘅環境，慢慢恢復返正常嘅排卵功能。
女性嘅受孕能力原本就會隨住年齡而下降，35歲以後尤其明顯。如服用避孕藥多年之後又突然計畫懷孕，好有可能會因為年紀大或者其他因素影響受孕機會，而且避孕藥嘅種類繁多，每種嘅劑量都唔同，建議第一次服用時先搵醫生評估吓，再由醫生開最適合你嘅口服避孕藥，就可以降低發生副作用嘅機會，服藥後都應該定期做檢查。
{adv here}
口服避孕藥可能有以下副作用:
• 不正常陰道出血
• 頭痛 – 若引起嚴重嘅偏頭痛或頭痛可能需要停藥。
• 膽囊疾病 – 避孕藥使用者患上膽囊疾病嘅機率較高，可能服藥 6 個月後會開始出現 。
• 肝臟疾病 – 使用避孕藥會增加肝臟疾病、腫瘤及肝功能異常嘅發生。
如果服用避孕藥後出現任何早期徵兆，應該立即停藥。另外，吸煙人仕服用避孕藥會增加心臟血管方面嘅副作用，危險性會隨住吸煙量而增加，所以服用避孕藥嘅女性不宜吸煙。
資料來源：良醫健康網
