有一種凍叫「嫲嫲覺得你凍」，天下間嘅婆婆嫲嫲都一樣，總係怕寶貝孫仔孫女會冷親，經常幫小朋友著太多衫，包到密密實實。其實好多時小朋友感冒唔係因為著涼，著太多衫反而會對小朋友不利。咁到底點解小朋友會感冒呢？
{adv here}
{adv here}
1. 出汗之後容易著涼
小朋友出咗一身汗之後吹風，呢個時候就最易著涼感冒。將小朋友包得太密實，焗到佢出晒汗，自然容易病。
2. 流行性感冒病毒傳染
大部分感冒都係病毒性感冒，係被人傳染嘅，小朋友就特別容易中招，因為佢哋嘅免疫系統仲未完善，對抗病毒入侵嘅能力較差，分分鐘俾人傳染。
3. 室內空氣唔流通
室內空氣唔流通，加上室內室外溫差太大都容易令小朋友感冒。如果室內空氣潮濕又唔流通，小朋友喺呢種環境都會容易患上感冒，尤其係流行性感冒。
{adv here}
4. 切忌「溫室」養育小朋友
長期被「包到冚」嘅小朋友往往較容易病，而一啲冇「四大長老」照顧，著衫唔多仲通山跑嘅小朋友，反而身體最強壯。道理好簡單，溫室小花經唔起風浪，但係室外嘅花草就好頑強。
資料來源：壹讀
