每位小朋友總有幾隻心愛嘅毛公仔陪伴左右，但奈何毛公仔係塵蟎最喜歡嘅棲息環境之一，而眾所周知，塵蟎往往會造成小朋友過敏，父母應該點取捨呢？
{adv here}
同事Megan嘅囡囡晴晴有一隻可愛嘅毛毛兔公仔，佢同兔兔幾乎形影不離，連瞓覺都要攬住，開心時會同兔兔一齊手舞足蹈，難過時會攬住兔兔喊，可想而知，呢隻毛毛兔公仔對晴晴嚟講有幾重要。雖然大家都知道毛公仔上面嘅塵蟎極有可能造成小朋友過敏，但大部分家長應該同Megan一樣，唔忍心睇住小朋友同佢嘅「best friend」分開。所以，當務之急就係要想辦法將毛公仔上面嘅塵蟎消滅。
{adv here}
高溫、潮濕嘅氣候特別適合塵蟎繁殖，而塵蟎就係引發過敏嘅頭號殺手。由於塵蟎抵受唔到太高或者太低嘅溫度，建議屬於適合烘乾嘅材質或者物品，可以用高溫方式來殺死塵蟎，然後再按照一般程序清洗；而唔耐熱、無法烘乾嘅材質，就用低溫冷藏法來凍死塵蟎。
由於毛公仔抵受唔到高溫烘乾，所以可以選擇用低溫方式將塵蟎凍死。做法係將毛公仔擺入雪櫃冰格冷藏一日，之後再洗淨晾乾。大部分家用雪櫃一定會儲存各式各樣嘅食物，為咗避免沾染異味或者被油脂整污糟，建議將毛公仔放入密實袋後再冷藏。除咗公仔之外，枕頭仔、衣物都可以用呢個方法來除塵蟎。
{adv here}
資料來源：低敏共生，小兒過敏自然消失！
