大部分小朋友都鍾意食蕃茄醬，炸薯條同蕃茄醬更加係絕配，酸酸甜甜嘅味道，可以激發起食慾，但市面上嘅蕃茄醬，多數都有使用添加劑調味，尤其係加入咗大量嘅糖來降低蕃茄嘅酸味，所以熱量相當驚人。
{adv here}
80%的熱量來自糖分
每一份蕃茄醬嘅熱量大約有20個卡路里，當中大約有4克糖，每1克糖有4個卡路里嘅熱量，即係有80%嘅熱量來自糖分，明顯製造時添加咗大量糖分，食用後會攝取好多不必要嘅熱量。
基因改造玉米可能是甜味來源
仔細研究蕃茄醬嘅成分就會發現，蕃茄醬除咗蕃茄，仲加入咗好多添加劑，包括蒸餾醋、高果糖糖漿、玉米糖漿、鹽、洋蔥粉、天然調味劑等，當中兩種糖份來源都唔係白砂糖，而係由基因改造嘅玉米所製成，對於健康有未知嘅風險，好多國家已經規定，基因改造食品必須喺包裝上面註明。
{adv here}
使用蕃茄取代蕃茄醬
蕃茄醬無論糖份含量或者來源，都對小朋友嘅健康有潛在風險，父母最好控制小朋友嘅攝取量，烹調食物時避免使用蕃茄醬，出外用餐時都要注意小朋友嘅攝取量，令小朋友漸漸脫離食蕃茄醬嘅習慣。家長可以喺蕃茄料理中，加入少許糖除去酸味，令小朋友慢慢接受新鮮蕃茄醬嘅味道。
專家意見
營養師指出，除咗糖分，蕃茄醬最大隱憂就係鈉含量，一包10克嘅蕃茄醬，大約有120毫克嘅鈉，薯條本身已經含有大量鹽分，若果薯條加上蕃茄醬，鈉攝取量好容易超標，增加患上心血管疾病嘅風險。
資料來源：聯合新聞網
