
大家都知吸煙同飲酒對健康有害,但十幾廿年嘅壞習慣一時三刻好難改。有啲爸爸冇戒煙戒酒,生出來嘅寶寶都一樣咁健康,咁唔戒煙又得唔得呢?
煙酒對身體嘅傷害係毋庸置疑嘅,尤其係對備孕期嘅男性同女性影響更大,而最後會唔會對寶寶造成嚴重影響就係一個概率問題,但一旦意外發生就一切都太遲!何必用寶寶嘅健康來做賭注?
{adv here}
吸煙的影響
1) 煙草有20幾種有害成分可以導致染色體同基因發生變化。有研究發現父親每日吸煙10支以上,子女畸形率會上升2.1%,吸煙30支以上,精子畸形率會超過20%,而精子嘅存活率只有49%。吸煙時間同精子畸形率成正比。
2)香煙中含有尼古丁、一氧化碳、煙焦油等大量有害物質,可以破壞人體血管內壁組織,增加血液粘稠度,仲會對大腦中樞神經產生強烈刺激,會導致陰莖供血不足,影響男性嘅性能力。
3) 香煙中嘅有害物質會影響精子嘅質量同活躍度,導致男性不育,質量欠佳嘅精子同卵子結合會增加胎兒畸形同流產嘅機率。
{adv here}
戒煙攻略
1) 什麼時候開始戒煙?
由於精子全部更換一次需要三個月,所以喺受孕前三個月內吸煙都會對精子造成影響。為咗安全著想,一般建議至少提前3~6個月進行戒煙,將體內毒素徹底清除。
2) 煙癮發作時怎麼辦?
要戒煙,首先要解決心理問題。試想像一下生畸形寶寶嘅後果,應該可以令準爸爸們放棄吸煙嘅念頭。開始戒煙之前,一定要將自己嘅戒煙大計話畀身邊嘅親朋好友知,方便大家監督你。喺眾人嘅督促之下,相信準爸爸都唔會想令大家失望。另外,如果煙癮特別嚴重,可以嘗試使用市面上出售嘅戒煙產品,例如戒煙香口膠或者戒煙貼。
資料來源:字媒體