兒童糖尿病發病率，喺10年間暴升咗12倍，尤其2型糖尿病發病年齡明顯有年輕化趨勢。不良飲食習慣，令小朋友攝入太多高糖、高脂肪、高熱量嘅食物，或者沉迷電腦遊戲、電子產品，而導致缺乏運動，睡眠不足，再加上環境污染等，都係造成兒童患上糖尿病嘅原因。
{adv here}
預防從懷孕期開始
最新研究指出，妊娠糖尿病會增加兒童肥胖嘅風險，所以孕婦喺懷孕期間要保持均衡飲食，避免攝取過多脂肪同能量。
產後3個月、1歲、11-~4歲係小朋友脂肪細胞生長累積嘅關鍵階段，要避免造成孩子營養過剩，導致過多脂肪細胞生長。另外，有研究發現飲牛奶嘅寶寶患1型糖尿病嘅機率比飲母乳嘅寶寶高。所以，想減低兒童患1型糖尿病嘅風險，就要確保餵母乳嘅時間唔可以太短，同埋唔好太早引入輔食。
{adv here}
健康飲食，充足運動，就係預防兒童糖尿病嘅關鍵。小朋友要儘量避免攝入高糖份嘅飲品，以及高熱量高脂肪嘅食物，例如漢堡包、朱古力、忌廉蛋糕、雪糕、糖果等，同時亦要增加運動量，以免熱量過多引起脂肪堆積。
如果小朋友出現多尿，口渴，食量大增，易餓，易攰，體重驟降等糖尿病初期症狀，就要立即去醫院檢查血糖。另外，肥胖，有糖尿病家族史嘅小朋友屬於高危，建議每年都去檢查血糖。對於兒童糖尿病，預防比治療容易得多。
資料來源：明醫網
