唔知大家有冇發現，好多2歲左右嘅小朋友，明明自己手上已經有一件玩具，但當佢見到其他小朋友拎住自己鍾意嘅玩具時，都會二話不說走埋去搶，自己嘅玩具就永遠唔會畀人掂。到底點解小朋友會變到咁自私同小器呢？

{adv here}

自我意識的形成

當小朋友出現以上行為，好多父母都會擔心會唔會係自己對小朋友嘅關心唔足夠，而令到佢變成自私自利嘅人。事實上，處於呢個階段嘅小朋友出現自私行為係一種正常現象，並唔係啲咩道德問題，而係一個心理發展特點。

一般而言，1～3歲係小朋友自我意識開始形成嘅時期，會表現為自我中心。小朋友嘅行為往往只會從 “我” 出發，因為佢哋仲未有 “你” 和 “他” 嘅概念，所以佢哋會認為人哋嘅嘢都係屬於自己，只要感興趣就可以據為己有。當小朋友明白除咗 “我” 之外仲有 “你” 和 “他” ，佢就會意識到 “我的” 是 “我的”, “你的” 是 “你的”，呢種行為就會慢慢改善。

當寶寶搶別人的玩具，父母應該怎樣做？

1) 幫寶寶建立擁有權的觀念

父母應該盡早幫助小朋友建立擁有權嘅觀念，喺寶寶處於 “自我中心期” 嘅時候，給予適當嘅指導，令小朋友形成良好嘅行為個性。例如，當寶寶玩同伴嘅玩具時，你可以強調：“呢架車係弟弟嘅，你只可以玩，唔可以帶走，玩一陣就要還返畀人，你自己架車喺屋企。” 咁做可以令小朋友盡快建立擁有權嘅觀念。

2) 培養寶寶良好的習慣

當寶寶想搶其他人嘅玩具，好多父母都會立即制止：“唔准搶人嘢，快啲畀返人！” 呢句說話其實作用唔大，最好嘅表達方式，係直接話畀佢知應該點做，例如：“如果你想玩人哋嘅玩具，應該先問下人哋肯唔肯。” 當寶寶嘅行為表現有進步，父母一定要及時表揚，小朋友得到父母嘅肯定就會進一步明白咁樣做先係正確。

{adv here}

3) 教寶寶學會分享

2歲左右嘅小朋友，通常都唔願意同其他人分享自己嘅玩具，係正常心理。當其他小朋友想玩寶寶手上嘅玩具時，父母唔應該強迫佢 “禮讓” 畀人。如果每次你都要佢不情願咁禮讓，反而會令佢嘅佔有欲變得更強。

父母應該引導寶寶同其他小朋友玩，然後再諗一啲可以令佢哋自願分享玩具嘅玩法，例如：一架車，一個坐，一個推。喺屋企，父母要培養寶寶從小習慣同其他人分享，例如分享食物，唔可以畀寶寶 “獨食” 。

4) 被人搶玩具時，父母不要 “扮大方”

當寶寶被其他人搶玩具，父母唔好強行搶走小朋友手上嘅玩具來滿足別人。久而久之，寶寶會變得越來越懦弱、優柔寡斷、唔敢反抗、唔識拒絕人。父母應該充當寶寶嘅保護者，甚至幫寶寶取回被搶走嘅玩具，令佢感受到父母嘅呵護。同時，父母都要同搶玩具嘅小朋友講清楚，想玩別人嘅玩具應該先得到別人同意，要有禮貌咁請求，而唔係硬搶。咁做可以令雙方嘅小朋友都明白，搶玩具嘅行為係錯誤。

資料來源：找話題