今時今日嘅父母，特別係虎爸虎媽，都習慣用打罵嘅形式嚟教小朋友，認為棍棒下可以教出優秀嘅孩子。其實1歲以下嘅寶寶係唔明你嘅責罵，而1至3歲以上嘅小朋友雖然開始聽得明你講嘢，但係過份嘅責罵可能會傷害佢哋嘅自尊心。
{adv here}
{adv here}
家長可以點樣教小朋友？
1. 家長要同小朋友溝通
無論小朋友係犯錯定係亂發脾氣，責備可能會有一時嘅作用，但係唔會持久，效果都唔會好。建議家長訓戒小朋友嘅時候語言盡量要簡單易明，喺同小朋友溝通嘅過程入面，唔好太過長篇大論。另外，都要注意場合同埋時間。
2. 同小朋友定規則同埋懲罰制度
由於好多時小朋友都分唔清父母嘅說話係願望定係命令，佢哋往往喺受到懲罰嘅時候會覺得受委屈，因為佢哋唔知自己做錯啲乜嘢。所以，家長喺話畀小朋友知規則嘅時候，表達一定要好清晰，令到小朋友明白規則嘅強制性。無論你嘅小朋友幾多歲，你都應該要有合適嘅規則。
3. 唔好用責備、打罵嘅方式處罰
家長可以處罰小朋友，但係唔好用責備或者打罵嘅方式。各位家長喺教導小朋友嘅時候千祈唔可以心急，要細心、有耐性咁教導。因為如果家長太心急，小朋友可能會唔明白父母嘅意思。
{adv here}
4. 唔好將自己嘅小朋友同其他小朋友比較
當你教訓小朋友嘅時候，千祈唔好批評同埋將你嘅小朋友同其他小朋友比較。咁樣做佢哋可能會惹是生非，向其他小朋友挑戰。出於一種叛逆嘅心理，就連小朋友自己都唔知點解會咁做，佢哋就係控制唔到自己。
5. 唔威脅、唔恐嚇
威脅雖然有可能令小朋友暫時聽話，但可能會造成小朋友內心嘅恐懼同埋不安。甚至會令小朋友帶嚟精神上嘅壓力，對小朋友嘅傷害影響深遠，令到小朋友嘅心靈扭曲，將來一係就變得膽小懦弱，一係就變得充滿暴力。
6. 態度溫和堅定
當你處罰小朋友嘅時候，唔好太過勞氣，因為咁樣只會造成負面嘅影響。相反，你如果可以心平氣和咁同佢哋講，而且態度係溫和堅定，咁樣反而佢哋知道你好重視呢件事，更加會耐心聽你講。
資料來源：每日頭條
