只要有群體生活，就算係幼稚園都有可能發生校園欺凌，父母可以多啲關心子女上課後嘅情緒，同平常比起嚟有冇異樣。如果真係發現子女被欺凌，應該點處理呢？
欺凌都分好多種
最明顯嘅就係肢體欺凌，即係身體受到傷害。以下嘅三種欺凌冇咁容易被家長同老師察覺到，所以經常被忽略。
關係欺凌
小朋友被同學刻意排擠，喺班入面被孤立，心靈上受到傷害。
言語欺凌
例如小朋友被同學笑「死肥仔」、「低B仔」等，會造成小朋友心理上嘅自卑，開始對自己冇自信。
好友的欺凌
例如天生內向嘅A一開始返幼稚園，性格活潑外向嘅B就主動同佢傾偈，所以A就認定咗B係佢好朋友，B雖然會同A玩，但就總係對A態度好差，成日發A卑氣，嫌棄A樣樣都做得唔好，令到A好唔開心，變得更冇自信，回到家都唔想提起學校發生過嘅事。
{adv here}
寶寶被欺凌，爸媽應該點做？
錯誤
立刻轉班。除非係小朋友自己強烈要求，否則問題嘅根本未解決，仲要心靈受創嘅小朋友去面對一個陌生環境，可能會有反效果。
正確
發現問題時，如果遇到好老師，可以同老師溝通成件事，從老師嗰度，可以了解欺凌者做呢啲舉動嘅主要原因，先可以解決欺凌問題。
{adv here}
錯誤
打爛砂盆問到篤，一直追問細節，反而會令小朋友諗返起痛苦嘅經過。
正確
培養孩子嘅自信心。被欺凌時，小朋友總會變得冇自信，爸媽可以引導子女認同自己嘅優點，多啲讚小朋友，對佢哋嚟講，已經係好大嘅鼓勵。
專家的建議
現今嘅父母都好忙，雖然會用很多物質滿足子女，但就好少同小朋友傾偈，應該儘量同小朋友多啲溝通，保持良好親子關係，萬一不幸遇到欺凌事件，小朋友先會願意同父母傾訴。
資料來源：每日頭條
