小朋友喺脆弱嘅時候更加需要屋企人嘅呵護同陪伴，喺適當嘅時候畀佢哋一個擁抱就可以給予能量，幫助佢哋宣洩不良情緒，搵返安全感。
{adv here}
{adv here}
美國埃默里大學發現，多啲擁抱子女可以令佢哋成年後更加識得處理各種壓力。意大利一項研究顯示，子女經常得到父母擁抱冇咁易有抑鬱情緒，而且更有信心解決各種問題。美國心理學家赫洛德·傅斯博士就發現，擁抱可以提升子女嘅心理質素，令佢哋變得堅強。以下呢幾個情況，子女最需要父母嘅擁抱。
1. 剛出生時
外國研究發現， BB出世頭一個鐘頭內，媽媽就應該抱住佢進行親密嘅肌膚接觸。咁樣做可以減少BB應激反應、減少哭鬧、增加睡眠，有助於BB生長發育。
2. 哭泣時
喊係人類嘅本能，背後仲隱藏着複雜嘅情緒，可能係恐懼、受傷、肚餓、委屈等等。仔女喊嘅時候，父母要問清楚佢哋嘅需要。如果受到委屈，可以烏低身，畀小朋友一個擁抱，增加安全感。
3. 啱啱瞓醒時
小朋友啱啱瞓醒可能會一時間未適應，產生失落感，周圍熟悉嘅環境都會變得陌生。呢個時候家長可以抱起佢周圍睇下，幫佢哋盡快脫離啱啱瞓醒嘅懵懂狀態。
{adv here}
4. 受挫時
當孩子受挫時，家長嘅擁抱就係最好嘅靈丹妙藥，可以令幼小嘅心靈得到撫慰，儘快忘記唔開心嘅事情。如果家長冇及時擁抱小朋友，佢哋就唯有自己一個去面對難以承受嘅壓力。久而久之，佢哋會養成冷漠、自私嘅性格。
5. 同子女分別時
喺心理學角度，分離對小朋友來講係一個比較嚴重嘅心理危機，如果家長處理得唔好，佢哋就好容易出現分離焦慮，大個咗都好難相信別人。分離時，父母可以畀子女一個擁抱，話畀佢哋知爸爸媽媽唔係唔要佢，只係離開一陣。
資料來源：每日頭條
