有好多準媽媽喺生寶寶嘅過程入面，好多時因為唔夠體力去生，因而要改用開刀嘅方法（俗稱 「食全餐 」），咁樣對產婦嚟講係好痛苦嘅經歷，所以準媽媽喺懷孕期間要儲夠體力。
{adv here}
{adv here}
儲備體力嘅4大方法
1. 培養運動好習慣
有啲準媽媽驚動到胎氣，喺懷孕期間會儘量避免走動，但其實呢個係錯誤嘅觀念，就係因為懷孕，所以更加要運動，如果運動量唔足夠，就會令到肌肉唔夠力量，體力都會下降。準媽媽平時可以多行樓梯、散步或者做孕婦瑜伽。
2. 做好心理準備
有時太過在意 「生BB係咪好痛？我到時撐唔撐到呢？ 」等等嘅問題，喺迎接生寶寶嘅時候，可能會對號入座，擔心自己生唔到。準媽媽應該要保持樂觀開朗嘅心情，除咗搵信得過嘅婦產科醫生諮詢之外，平時都可以搵有生育經驗嘅親朋好友傾訴吓。
3. 多食蛋白質食物
除咗要有足夠休息之外，準媽媽都唔應該為咗保持美觀體態而去節食，同埋喺懷孕後期，寶寶嘅體重會快速增長，如果準媽媽食得太少，喺體力不足嘅情況下，可能會影響到子宮收縮嘅頻率。懷孕中後期，準媽媽可以多攝入含豐富蛋白質嘅食物，除咗可以增強肌肉組織之外，仲可以補充熱量，準媽媽應該要食多啲含鐵質嘅紅肉同埋蔬果，避免喺生產過程中大量出血而造成休克。
{adv here}
4. 用無痛分娩
進入第一產程，準媽媽會開始有無數次嘅規律陣痛，呢個時候可以考慮用無痛分娩嘅方法，始終有部分怕痛嘅準媽媽，會不自覺咁過度用力，結果喺寶寶出世之前已經用晒體力，最後唯有「食全餐」。如果用無痛分娩，準媽媽可以放鬆咁生寶寶，甚至會加快產程，對於儲備生產體力嚟講，係一個不錯嘅方法。
資料來源：壹讀
