好多時家長為咗敷衍小朋友，都諗都唔諗就同佢哋講「你乖我就買個筆盒你」 「你考試考到100分，我帶你去海洋公園」。對大人嚟講，呢啲可能係隨口講吓嘅說話，但對於小朋友嚟講，佢哋就百分百當真。
{adv here}
{adv here}
因為小朋友思想仲係好幼稚，佢哋嘅世界好單純，對大人講嘅嘢佢哋會「言聽計從」，更何況係佢哋最親，最信賴嘅父母。
爸爸媽媽「隨口噏」嘅一句說話，分分鐘會影響小朋友一世。所以，作為父母，對住小朋友講嘢一定要小心。
唔好隨便同小朋友講笑
「你係喺垃圾桶執返嚟嘅」「再唔聽話就唔要你喇」……喺大人眼中，呢啲只係開玩笑嘅說話，但係小朋友就唔係咁諗，因為佢哋嘅認知能力同埋分辨是非嘅能力有限，分唔清父母嘅說話係講笑定係認真。
被家長欺騙、戲弄同埋恐嚇之後，小朋友會覺得疑惑、受挫、不受尊重，佢哋會覺得不安，自尊心、自信心都會受到傷害，唔敢相信人，對佢哋日後嘅人際關係都會造成障礙。
唔好否定、打擊小朋友
有好多父母會經常將自己嘅小朋友同人哋嘅小朋友比較，否定自己嘅小朋友：你真係豬咁蠢，次次都考尾幾，隔離屋個晴晴次次都考第一㗎！學吓人啦，唔係將來幫人挽鞋都冇資格呀……
{adv here}
對小朋友嚟講，父母係佢哋最親嘅人，父母越否定小朋友，對小朋友嘅打擊就越大，亦都越容易摧毀小朋友嘅自信心，覺得自己一無是處，久而久之就會令小朋友變得敏感自卑、優柔寡斷、冇勇氣面對挑戰。
要遵守承諾
「你今次考試考第一，我就帶你去迪士尼玩」 「如果你乖乖哋食藥，等你好返，我就帶你去買雪條」呢啲說話，係咪好熟悉呢？
為咗「氹」小朋友，好多父母成日都「隨口噏」，對小朋友許下承諾，但到咗要兌現承諾嘅時候，就用工作忙等等嘅籍口來無限期拖延。親子之間嘅信任係需要好長時間去建立，但係一次嘅「空頭支票」，就足以摧毀咁耐以嚟建立嘅信任。一旦小朋友對父母失去信任，父母喺小朋友心目中嘅威信同埋說話嘅分量都會大打折扣。
資料來源：每日頭條
