好多產婦都有一個疑問：「我個胸咁細，會唔會唔夠奶呢？」，其實奶水分泌係一種自然嘅生理反應，當產婦生產過後，寶寶吸吮媽媽乳房時，自然會傳遞一種訊息到大腦，呢個時候母體荷爾蒙就會產生變化，乳房就會充滿寶寶需要嘅奶水，同胸部大小完全無關。胸細只能夠說明胸部嘅脂肪含量少，並唔代表乳腺唔發達。所以，胸細都可以有好多奶。
{adv here}
想奶水分泌充足，就要畀寶寶持續而且穩定咁吸吮，千祈唔好以為母乳會好似開水喉咁，一開就有。如果產婦持續一段時間唔餵母乳，自然就會停止分泌；如果寶寶吸吮變少，奶水就會慢慢減少，當寶寶吸吮次數同奶量越來越多，媽媽就會分泌更多奶水。
產婦正確操作：
1) 刺激奶水分泌
生完寶寶後30分鐘係一個非常重要嘅時間，呢個時候一定要注意及時開奶，畀寶寶多啲吮吸乳頭，促進奶水分泌。如果新手媽媽唔清楚點樣正確畀寶寶吮吸，可以透過吸奶器來完成。
{adv here}
2) 穿孕婦專用胸圍
生完寶寶後，產婦身體會出現好大變化，例如出汗會增多，而且乳房會變得更大。如果呢個時候媽媽繼續戴鋼線胸圍，對乳房健康會造成不良影響，亦都會影響乳汁正常分泌。產婦一定要選擇孕婦專用嘅胸圍，保持柔軟舒適。
資料來源：華人健康網
