胎兒大約10週大時，子宮仲喺盆骨位置，到咗20週子宮大約到肚臍附近位置，呢個時候子宮較大，所以胎動會比較明顯；到咗25週，所有孕婦都可以感受到胎動。如果陀嘅係多胞胎，20週前都可以感覺到胎動。
{adv here}
{adv here}
其實由早到晚，無論咩時段都有胎動，不過好多孕婦都覺得夜晚胎動比較明顯，主要因為孕婦日頭活動較多，有時可能感覺唔到輕微嘅胎動，而夜深人靜時就比較容易感受到胎動。此外，胎兒嘅生理作息多數同大人相反，日夜顛倒，夜晚的確會比較活躍。而且，隨著週數愈來愈大，胎動嘅力度會愈來愈強。不過到咗大約35週時，由於胎兒太大、子宮入面嘅空間愈來愈小，胎兒嘅活動空間非常有限，胎動嘅力度同埋次數都會減少，但仍然會感受到胎動。
{adv here}
如果孕婦感受唔到胎動，有可能有胎兒窘迫、冇心跳、臍帶纏頸、胎盤功能問題等多種可能性，應該儘快搵醫生檢查。醫生會運用胎兒監視器觀察胎心音同埋子宮收縮頻率，從而評估胎兒嘅狀況。
資料來源：每日頭條
