「BB成日感冒係唔係因為免疫力低？」「BB三日唔埋兩日就病，成日睇醫生，唔通免疫力出咗問題？」「免疫力越強越好？」呢啲都係父母經常會問醫生嘅問題，以下會為大家一一解答。
{adv here}
{adv here}
免疫力越強越好？
好多人都以為免疫力越強越好，事實並唔係咁。只要免疫力達到一定強度，可以抵抗到病菌就足夠；如果免疫力太強，就會破壞自身嘅細胞，產生自體免疫性嘅疾病，例如：紅斑性狼瘡或者敏感。
醫生舉例：「一個國家有足夠嘅士兵可以幫助保護國家唔受到外來人入侵，但係如果士兵過多就會消耗能源或者喺某啲情況下，有可能發生內戰，自己人攻擊自己人。」因為身體接觸到外來刺激物質就會做出組織胺同埋抗體，如果組織胺同埋抗體過多就會重複刺激，皮膚容易紅腫，亦可能造成鼻塞、鼻水倒流、氣喘等等。
{adv here}
小朋友越大免疫力越好？
醫生表示，五歲以下嘅小朋友免疫力發展尚未成熟，所以容易病；五歲以上免疫力比較成熟，所以比較少病。
而且，每一次病都可以幫助體內抗體形成，隨着年齡增長，體內抗體累積越來越多，免疫力就越嚟越成熟。呢個亦都係五歲之後冇咁易病嘅原因。
資料來源：華人健康網
