相信每個家長都試過對小朋友發脾氣，發完脾氣又會後悔。好多媽媽面對唔聽話嘅小朋友都會忍唔住發脾氣，但事後又會覺得自己處理不當。
{adv here}
{adv here}
當家長對小朋友發脾氣後覺得內疚，應該點做呢？
家長發脾氣後會內疚，係因為佢哋本來就唔想對小朋友發脾氣，所以當情緒達到頂點時，家長應該用延遲爆發嘅方式來削弱自己發火嘅衝動，例如深呼吸令自己平靜落嚟。
有時家長未必係因為小朋友所做嘅事而發脾氣，可能係自己體內累積咗太多負面情緒，小朋友唔聽話就成為咗導火線，當自己控制唔到小朋友，負面情緒就會爆發，最後發洩喺小朋友身上。
同小朋友溝通的確需要耐性同埋精神，大家可以參考以下幾個建議：
1. 家長要嘗試站喺小朋友嘅角度思考，當管教小朋友嘅時候遭到反抗，試下停一停諗一諗點解佢哋會有咁嘅反應，係咪管教方式出咗問題。
{adv here}
2. 當感受到自己嘅情緒就快被小朋友激到火出爆發，先忍住唔好發脾氣，暫停所有動作，你可以深呼吸、倒數、望向遠方或者乾脆行開避一避，冷靜下自己，然後再用其他方式管教小朋友。
3. 如果你已經控制唔到自己，對小朋友發咗脾氣，並且已經意識到自己發脾氣係唔啱，第一件要做嘅事就係向小朋友道歉認錯。
4. 家長道歉後就要引導小朋友，大人犯錯後都會道歉同埋改正，小朋友剛才都做得唔夠好，應該向父母道歉同埋保證以後唔再犯錯。
資料來源：每日頭條
