懷孕嘅準媽媽都會非常擔心胎兒嘅健康，呢個時候，丈夫就要扮演一個相當重要嘅角色，包括站喺太太立場，多啲給予心理上嘅支持，減輕太太嘅壓力，分擔家務，呢啲舉動都可以令孕婦們感到安心，令佢唔會覺得只有自己一個人面對。
{adv here}
{adv here}
當小生命誕生後，首當其衝就係餵奶問題。雖然大家都知道，餵母乳對於bb嚟講係最好，但哺乳過程相當辛苦，乳汁分泌不足會擔心bb唔夠營養；乳汁分泌過多，又有可能造成乳腺阻塞。初生嬰兒大約每2~4小時就要餵一次奶，甚至每1小時餵一次，按嬰兒需求而定。頻密餵奶，經常令媽媽們冇辦法得到足夠休息，如果媽媽們平時有泵奶儲存，爸爸就可以主動協助暖奶、餵奶，除咗令媽媽可以有多啲時間休息，爸爸都可以透過餵奶，同bb建立親密關係。
{adv here}
多項研究發現，小朋友嘅成長過程中，父親嘅角色比起母親更重要，媽媽可以畀到安全感bb同埋滿足佢嘅生活所需，但爸爸嘅參與可以令bb嘅人格發展更健全，係成長過程入面不可缺少嘅。面對新生命嘅來臨，係喜悅亦都係考驗，只要夫妻雙方可以共同攜手協力，有問題時，尋求專業人士協助，就可以順利陪伴小朋友健康成長。
資料來源：每日頭條
