Posted on Leave a comment
所有文章

【B唔是咁湊的】5 個常犯育兒錯誤 爸媽們別再好心做壞事!

錯誤 1:幫小朋友著太多衫

好多家長都擔心小朋友會冷親,冬天會將小朋友包到隻糉咁,其實著太多衫會令到身體無法散熱,嚴重時有可能出現脫水、缺氧、昏迷,甚至有生命危險,亦即係捂熱綜合症。一歲以下嘅bb,比大人著多一件普通厚度嘅衫就已經足夠。

錯誤 2:幫bb剃頭

唔少人認為bb滿月剃頭,長大後頭髮會粗黑亮麗,但事實並非如此。頭髮嘅生長周期一般為 2~5 年,然後進入休止期,逐漸萎縮、脫落。滿月時剃頭,即便生出嚟嘅新頭髮更粗,呢啲頭髮都會喺5歲前自然脫落,唔會對成年後嘅頭髮有影響。而且,bb皮膚又薄又嫩,容易喺剃頭後出現局部發紅。

 

 

錯誤3:太早畀bb學游水

根據最新嘅美國兒科學會(AAP)指引,1 歲以下嘅bb唔建議學習游泳。咁細嘅小朋友無法掌握必要嘅游泳技能同埋水中生存技巧,完全冇自救能力同埋意識。

此外,有啲父母會畀bb戴游泳頸圈,其實非常危險,有可能造成頸椎關節損傷,甚至壓迫氣管引起呼吸困難。

 

 

錯誤 4:畀bb用學行車

學行車不但幫唔到bb學行,仲有安全隱患。bb坐喺學行車時,小朋友嘅重量全部集中喺臀部,對腳根本唔需要用力,其實係用緊腳尖行路。學唔到行路之餘,仲會影響bb嘅腿部力量發展。

另外,由於學行車嘅速度快,即使有家長在場,都有可能造成危險。AAP 就曾經報導過學行車導致燙傷、溺水等兒童安全事故。

 

 

錯誤5:幫bb清理耳垢

其實,正常嘅耳屎不但唔會影響耳朵健康,仲有幫助隔離微生物同埋小昆蟲嘅作用。而且,耳屎會自己由耳朵跌出來,父母們無需太擔心。千祈唔好試圖用耳挖之類嘅工具幫bb清理,如果整傷bb嘅耳道,後果可以好嚴重。

資料來源:每日頭條

標籤:, ,
發表回覆

你的電郵地址並不會被公開。 必要欄位標記為 *