人起身時，最好先擘大眼瞓喺床十分鐘，再慢慢坐起身，有助於身體健康。
給孩子充分時間起床
需要幾多時間起身因人而異，有人需要五分鐘，有人需要十分鐘，應該根據呢個時間嚟決定幾時去叫小朋友起身，唔好要求對方即時彈起身。
什麼是「殺傷性叫醒」？
殺傷性叫醒即係用驚醒嘅方式，切斷啟動過程，令人立即恢復意識。呢種粗暴嘅方式，會引發一連串嘅神經或者心理問題，例如破壞情緒控制、衝動易怒、情緒低落、反應遲緩、注意力不集中、攻擊行為，或者冷漠麻木。
{adv here}
叫孩子起床的常見錯誤方式
1) 憤怒地沖入房間，大喝一聲「七點喇，仲唔起身！」
留戀被窩，留戀潛意識夢境，係人嘅天性，而呢種帶有指責性嘅叫醒行為、語言，好容易會剝奪小朋友嘅睡眠安全感。
2) 拉開孩子的被
呢種方式會嚴重摧毀小朋友嘅睡眠安全，而且溫度嘅變化，會突然襲擊神經系統，就算小朋友坐咗起身，四肢都係僵硬嘅。所以，移動任何小朋友瞓覺時拿著、抱著、蓋著嘅物件，都會對呢個感覺安全嘅環境造成破壞。
3) 粗暴地拍孩子的身體
叫醒時，觸碰小朋友嘅身體，尤其係粗暴嘅拍打，係極具殺傷力嘅。人類喺潛意識嘅控制下，對於突如其來嘅身體「襲擊」，除咗嚇一跳，仲會反擊。好多睡眠測試結果顯示，拍打係最唔理想嘅叫醒方式。
{adv here}
4) 反覆嘮叨不斷叫喚
有啲父母會用每5分鐘叫一次嘅方式，睇起上嚟好似係畀咗小朋友足夠嘅「啟動時間」，但實際上，小朋友喺完成切換同啟動嘅過程中，不斷被你打斷，每次都要重頭嚟過，所以反而叫極都叫唔醒。
其實，喺睡夢中嘅人，第一次接收到「起床」嘅信號，佢嘅腦部已經開始切換，所以唔需要重覆叫佢，啟動完成自然會起身。
5) 生活噪音叫醒
有啲父母會用自己產生嘅噪音嚟叫醒小朋友，例如行路聲、洗面刷牙聲、講嘢聲等，呢種方式雖然唔會驚醒夢中人，但會令小朋友感覺極度反感，因為喺切換啟動嘅過程中，腦部嘅工作不斷被噪音打斷，無法喺安全安靜嘅環境中完成，小朋友起身時會感到煩躁，亦會導致「起床氣」。
資料來源：CMoney
